ჯანდაცვის მინისტრის მოადგილე თამარ გაბუნიამ საქართველოში ჰოსპიტალური სექტორის დატვირთვაზე ისაუბრა და აღნიშნა, რომ ქვეყანაში ამ დროისთვის, 3 000-ზე მეტი საწოლია მობილიზებული.

ამასთანავე, უწყებათაშორისი საკოორდინაციო საბჭოს დასრულების შემდეგ გაბუნიამ ბრიფინგზე განაცხადა, რომ დღეის მგომარეობით, კორონავირუსის საწინააღმდეგო ვაქცინით 4 000-ზე მეტი სამედიცინო პერსონალია აცრილი.

თამარ გაბუნიამ დასძინა, რომ  ამ კვირის ბოლომდე ქვეყანაში „ფაიზერის“ ვაქცინას ელოდებიან და როგორც მედპერსონალს, ასევე 65 წელს ზემოთ პირებსაც ექნებათ შესაძლებლობა გააკეთონ არჩევანი„ფაიზერსა“ და „ასტრაზენეკას“ შორის.

„მაქსიმალური სიფრთხილე გვმართებს წესების დაცვით კუთხით. რაც შეეხება ჰოსპიტალურ სექტორს, 1467 პაციენტი რჩება ჰოსპიტლებში, აქედან 299 არის ინტენსიური თერაპიის განყოფილებაში, 80 პაციენტი არის რეანიმაციულ განყოფილებაში, 3000-ზე მეტი საწოლი რჩება მობილიზებული იმ შემთხვევისთვის თუ დაგვჭირდება მათი გამოყენება იმისთვის, რომ ჯანდაცვის სისტემის პასუხი იყოს დაუყოვნებელი. რაც შეეხება ვაქცინაციის პროცესს, 4000-ზე მეტი სამედიცინო პერსონალი არის დღევანდელი მდგომარეობით აცრილი. ვაქცინაციის პროგრამა გაფართოვდება 25 მარტიდან 65 წელს ზემოთ პირებისთვის. ეს არის ის გადაწყვეტილება, რაზეც გუშინ იმსჯელა უწყებათაშორისი ვაქცინაციის საბჭომ და დღესაც საკოორდინაციო საბჭოზე ეს გადაწყვეტილება იქნა მხარდაჭერილი. პროცესი დაიწყება 25 მარტიდანვე ანუ მათ შეუძლიათ, 65 წლის ზემოთ პირებს შეუძლიათ რეგისტრაციაც და ასევე, უკვე ჩაეწერონ და მივიდნენ ვაქცინაციაზე, თუკი ამისი შესაძლებლობა 25-შივე იქნება. ამ კვირის ბოლომდე ველოდებით „ფაიზერის“ ვაქცინას, ასე რომ, როგორც სამედიცინო პერსონალს, ასევე 65 წელს ზემოთ პირებსაც ექნებათ საშუალება, გააკეთონ არჩევანი, რა თქმა უნდა, გარკვეული ლიმიტების ფარგლებში, „ფაიზერსა“ და „ასტრაზენეკას“ შორის და შემდეგ უკვე ველოდებით დამატებით დოზებსაც აპრილის ბოლოსკენ, რაც, ასევე, განსაზღვრულია „კოვაქსის“ პლატფორმით,“- განაცხადა გაბუნიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა