პოლიტიკოსობა არ არის მიზეზი იმისა, რომ ვინმე გამოვუშვათ, - ამის შესახებ საქართველოს პრემიერ-მინისტრმა, ირაკლი ღარიბაშვილმა ბრიუსელში გამართულ პრესკონფერენციაზე განაცხადა.

პრემიერმა ქვეყანაში განხორციელებულ სასამართლო რეფორმაზეც ისაუბრა და აღნიშნა, რომ 2012 წლის შემდეგ ამ მხრივ სიტუაცია გაუმჯობესებულია.

„სასამართლო რეფორმა ჩვენთვისაც კრიტიკული მნიშვნელობისაა. აბსოლუტური ვალდებულება გვაქვს ნაკისრი სასამართლო სისტემის რეფორმაზე. ამ კუთხით ძალიან ბევრი და მნიშვნელოვანი წინსვლა გვაქვს მიღწეული. 2012 წელს რომ მოვედით კატასტროფული სიტუაცია იყო, არ ვაჭარბებ. ძალიან ბევრი რეფორმა განხორციელდა, იყო სამ ეტაპიანი რეფორმა სასამართლო სისტემაში. მზად ვართ, რომ ასე გავაგრძელოთ.

რაც შეეხება პოლიტპატიმრების გამოშვებას, პოლიტიკოსობა არ არის მიზეზი იმისა, რომ ვინმე გამოვუშვათ. თუ ვინმემ ჩაიდინა დანაშაული, მან უნდა მოიხადოს სასჯელი. ამიტომ, ჩემი გადასაწყვეტი არ არის როდის და როგორ გამოუშვებს ვინმეს სასამართლო. ეს არის სამართლის უზენაესობა და სასამართლოს გადაწყვეტილება, ვინმე გაუშვას პატიმრობაში თუ გამოუშვას პატიმრობიდან“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება