დედაქალაქის მერმა, კახა კალაძემ მუნიციპალიტეტის მთავრობის დღევანდელ სხდომაზე თბილისის მერიის თანამშრომელს, ლალი უნაფქოშვილს აკადემიური პალმების ორდენის მიღება მიულოცა.

მისი თქმით, ორდენი ლალი უნაფქოშვილს ქართულ-ფრანგულ ურთიერთობებში შეტანილი განსაკუთრებული წვლილისთვის გადაეცა.

„დღეს მთავრობის სხდომას ესწრება თბილისის მერიის საერთაშორისო ურთიერთობების სამსახურის თანამშრომელი, ქალბატონი ლალი უნაფქოშვილი, რომელიც 30 წელზე მეტია კეთილსინდისიერად, პროფესიონალიზმით ემსახურება ჩვენი დედაქალაქის ინტერესებს. მას დიდი წვლილი აქვს შეტანილი ქართულ-ფრანგულ ურთიერთობებში, კერძოდ, საფრანგეთის ქალაქ ნანტსა და თბილისს შორის ურთიერთობების გაღრმავებაში. სწორედ ამ დამსახურების გამო, საფრანგეთის ელჩმა საქართველოში, დიეგო კოლასმა, რამდენიმე დღის წინ, ქალბატონ ლალის აკადემიური პალმების ორდენი გადასცა. მინდა, მივულოცო ქალბატონ ლალის ეს წარმატება. მეამაყება, რომ ასეთი თანამშრომლები ჰყავს თბილისის მუნიციპალიტეტს. მადლობა, რასაც  ჩვენი ქალაქისა და ქვეყნისთვის აკეთებთ“, - განაცხადა კახა კალაძემ.

აკადემიური პალმების ორდენი ერთ-ერთი უძველესი, პრესტიჟული ჯილდოა, რომელიც 1808 წელს იმპერატორმა ნაპოლეონ პირველმა დააარსა. ლალი უნაფქოშვილმა, ასევე, თარგმნა ჟიულიენ გრაკის წიგნი „ქალაქის ფორმა“, რომელიც სწორედ ქალაქ ნანტს ეხება. 2020 წელს მთარგმნელს გადაეცა საქართველოს მწერალთა სახლის ლიტერატურული პრემია საუკეთესო ჰუმანიტარულ-სამეცნიერო და სამეცნიერო-პოპულარული ლიტერატურის თარგმანისათვის.

ავტორი: NS (სტატია დაფინანსებულია),

სოციალური ქსელები

ცოტნე ანანიძე: სამწუხაროდ, დანაშაული ხდება ყველგან და მოხდება, ვიდრე კაცობრიობა იარსებებს

ზარქუა ოქრიაშვილზე თავდასხმაზე: ცუდია, რაც მოხდა, მაგრამ არავის გაუტარებს ქართული საზოგადოება

23 ივლისის საღამოდან 24 ივლისის დილამდე საქართველოს უმეტეს ტერიტორიაზე დროგამოშვებით წვიმაა მოსალოდნელი

SJC: ოქრიაშვილზე თავდასხმა ოცნებისა და მისი მედიების მიერ დისკრედიტაციის კამპანიის შედეგია