ცხოველთა დაცვის არასამთავრობო ორგანიზაციებმა მერიის წინ საპროტესტო აქცია გამართეს

2015-10-04 17:08:25, 808 ნახვა

საზოგადოება

ცხოველთა მსოფლიო დღეს თბილისის მერიის შენობასთან ცხოველთა დაცვის არასამთავრობო ორგანიზაციებმა საპროტესტო აქცია გამართეს.

აქციის მონაწილეებმა მოითხოვეს: ცხოველთა მასობრივი ევთანაზიის შეწყვეტა და აკრძალვა, ცხოველთა მასობრივ ევთანაზიაზე, რეგიონების წარმომადგენლების დატრენინგების შეჩერება, თბილისის მუნიციპალიტეტის მერიის სსიპ ცხოველთა მონიტორინგის სააგენტოს მართვის კომპეტენციის ცხოველთა დაცვის ორგანიზაციებზე გადაცემა.

ცხოველთა დაცვის ორგანიზაციები გამოდიან ინიციატივით, აღნიშნულ დაწესებულებაში ცხოველთა მოყვარული ადამიანები დაასაქმონ.

"მოხდება ხელფასებზე, პრემიებზე და დანამატებზე გამოყოფილი მილიონობით ლარის დაზოგვა",-აცხადებენ ცხოველთა დაცვის ორგანიზაციებში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან