„ეს არ არის მარტო ჩემი გამარჯვება, ეს არის ქართული ფეხბურთის გამარჯვება“, - ამის შესახებ საქართველოს ფეხბურთის ფედერაციის პრეზიდენტმა ლევან კობიაშვილმა არჩევნებში გამარჯვების შემდეგ, სიტყვით გამოსვლისას განაცხადა.

როგორც კობიაშვილმა განაცხადა, აღნიშნული თანამდებობა მისთვის დიდი გამოწვევა და პასუხისმგებლობაა.

„ეს არ არის მარტო ჩემი გამარჯვება, ეს არის ჩვენი ერთიანობის, ქართული ფეხბურთის გამარჯვება. მე მინდა იცოდეს ყველა ადამიანმა, ჩემთვის საერთო საფეხბურთო ოჯახში მტერი არ არსებობს, ჩვენ ყველა ერთი ვართ. მინდა იცოდეთ რამდენად ძნელი იყო ჩემთვის ამ გადაწყვეტილების მიღება, იმიტომ, რომ ვიცი რამხელა პასუხისმგელობაა, რამხელა გამოწვევაა და ეს იოლი გზა არ იქნება. მინდა მადლობა გადავუხადო რეზის და მამუკას. ჩვენ არ ვართ არც კონკურენტები, არც ოპონენტები, ჩვენ მეგობრები ვართ და იმედი მაქვს დავრჩებით მომავალშიც“, - განაცხადა ლევან კობიაშვილმა.

ცნობისთვის საქართველოს ფეხბურთის ფედერაციის პრეზიდენტის არჩევნებში ლევან კობიაშვიმლა გაიმარჯვა. მას მხარი 18-მა დელეგატმა დაუჭირა. რაც შეეხება სხვა კანდიდატებს, რეზი არველაძეს 15-მა დელეგატმა მისცა ხმა, ხოლო მამუკა კვარაცხელიას არც ერთი ხმა არ მიუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს

სარჯველაძემ გომის მთაზე ავტოსაგზაო შემთხვევის შედეგად დაზარალებულები მოინახულა

გომის მთაზე მომხდარი ავარიის შედეგად დაშავებული 11 პაციენტიდან 6 ბავშვია, ისინი ბათუმის რესპუბლიკურ საავადმყოფოში არიან