დადასტურებულია, რომ შემდეგი ვაქცინა, რომელიც საქართველოს მოეწოდება, „ასტრაზენეკასი“ იქნება - განცხადება ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ გააკეთა. 

მისი ინფორმაციით, ვაქცინას ქვეყანა მას მარტის პირველ ნახევარში მიიღებს.

"პირველ ეტაპზე ქვეყანაში შემოვა „ფაიზერის“ ვაქცინა, 29 250 დოზა, ორჯერადი გაკეთებით. ეს არის დაახლოებით 14 500 ადამიანის დოზა. როგორც მაქვს ინფორმაცია, ვაქცინა შემოვა თებერვლის მეორე ნახევარში. ასევე უკვე დადასტურებულია, რომ შემდეგი ვაქცინა, რომელიც მოგვეწოდება, იქნება „ასტრაზენეკასი“, 180-დან 300 ათას დოზამდე და ეს იქნება დიდი ალბათობით, მარტის პირველ ნახევარში" - განაცხადა ამირან გამყრელიძემ.

თებერვლის თვეში შემოტანილი Pfizer-ის 30 000 დოზიდან დაახლოებით 15 000 მედიკოსის აცრა იგეგმება, - ამის შესახებ დაავადებათა კონტროლის ეროვნული ცენტრის გენერალურმა დირექტორმა ამირან გამყრელიძემ „ექსპრესნიუსთან“ საუბრისას განაცხადა.

ოქსფორდის უნივერსიტეტი და ბრიტანულ-შვედური ფარმაცევტული კომპანია AstraZeneca კორონავირუსის წინააღმდეგ მათ მიერ ერთობლივად შექმნილი კანდიდატი ვაქცინის — ChAdOx1 nCoV-2019-ის დასკვნითი, მე-3 ფაზის შიდა მონაცემებს აქვეყნებენ. როგორც ეს მონაცემები აჩვენებს, ვაქცინა ეფექტიანად ახდენს COVID-19 (SARS-CoV-2)-ის პრევენციას და უზრუნველყოფს მისგან მაღალი დონის დაცვას.
უსაფრთხოების მონაცემთა ბაზაში თავმოყრილია კლინიკური ცდების მონაცემები, რომლებიც აპრილის შემდეგ 24 000 მოხალისეზე ჩატარდა გაერთიანებულ სამეფოში, ბრაზილიასა და სამხრეთ აფრიკის რესპუბლიკაში.
გადამწყვეტი ფაქტორია ისიც, რომ ვაქცინის განაწილება შეიძლება უკვე არსებულ სამედიცინო სისტემებში, ინახება მაცივრის ტემპერატურზე (2-8 °C).
ვაქცინის ფართომასშტაბიანი წარმოება უკვე მიმდინარეობს მსოფლიოს ათზე მეტ ქვეყანაში.

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო