პარლამენტის თავმჯდომარის, არჩილ თალაკვაძის განცხადებით, მმართველი გუნდი ოპოზიციურ პარტიებთან მოლაპარაკებებს კვლავ გააგრძელებს.

მისი თქმით, „ქართულმა ოცნებამ“ პარტია „მოქალაქეებთან“ ერთად ხელი მოაწერა დოკუმენტს, რომლის თანახმად, საარჩევნო რეფორმის შემდეგი ეტაპი ეუთო/ოდირის რეკომენდაციების გათვალისწინებით საკანონმდებლო ორგანოში განხორციელდება.

„ჩვენ როგორც სახელისუფლებო პოლიტიკურმა პარტიამ, „ქართულმა ოცნებამ“ განვაცხადეთ იმთავითვე პოლიტიკური დიალოგის ფარგლებში, რომ ჩვენ პოლიტიკურ პასუხიმგებლობას ვიღებთ იმაზე, რომ საარჩევნო რეფორმის შემდეგი ეტაპი განხორციელდეს საქართველოს პარლამენტში და ჩვენ გაუმჯობესებული კანონმდებლობით გაუმჯობესებულ გარემოში შევხვდეთ ადგილობრივ არჩევნებს, რომელიც 2021 წლის შემოდგომაზე ჩატარდება. ჩვენ დავიწყეთ მოლაპარაკებები ყველა ოპოზიციურ პარტიასთან ელჩების მხარდაჭერით და ასევე გვქონდა მოლაპარაკებები პარტია „მოქალაქეებთან“, რომელიც დღეს დასრულდა პოზიტიური შედეგით.

ჩვენ შევქმენით დოკუმენტი, სადაც ჩვენი პირობა და პასუხიმგებლობა, რომ საქართველოს პარლამენტში განვახორციელებთ საარჩევნო რეფორმის შემდეგ ეტაპს ეუთო/ოდირის რეკომენდაციების გათვალისწინებით. ამ დოკუმენტს ხელი მოვაწერეთ ჩვენ და პარტია „მოქალაქეებმა“. ეს დოკუმენტი ღიაა სხვა პოლიტიკური პარტიების და მათი წარმოამდგენლებისთვის, მათთვის, ვინც გადალახეს ბარიერი და მიიღეს მანდატი საქართველოს პარლამენტში. შესაბამისად, ჩვენ განვაგრძობთ პოლიტიკურ დიალოგს და მოლაპარაკებებს პოლიტიკურ პარტიებთან და ველით, რომ ოპოზიციის მონაწილეობა პარლამენტში კიდევ უფრო გაფართოვდეს“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი