სენატორმა ჯინ შაჰინმა კაპიტოლიუმის შენობაში, დონალდ ტრამპის მხარდამჭერების შეჭრის შემდეგ, განახლებულ სხდომაზე ისაუბრა ძალაუფლების მშვიდობიანად გადაცემაზე და აღნიშნულის მაგალითად, საქართველოს 2012 წლის საპარლამენტო არჩევნები მოიყვანა.

როგორც შაჰინმა სიტყვით გამოსვლისას აღნიშნა, 2012 წელს საქართველოს მოსახლეობას ჰქონდა შიში, რომ სააკაშვილი არ დათმობდა ხელისუფლებას და აღნიშნული ძალადობაში გადაიზრდებოდა.

„სენატის ბევრი წევრის მსგავსად, მსოფლიოს გარშემო ბევრ განვითარებად ქვეყანაში ვყოფილვარ, მათ შორის საქართველოში, სადაც 2012 წელს ჩავედი სენატორ რიშთან ერთად, რათა დავკვირებოდით სენატის სახელით საპარლამენტო არჩევნებს. ეს იყო ბრძოლა პარლამენტში შესასვლელად, გაიმარჯვა „ქართულმა ოცნებამ“, მაგრამ ქვეყანაში იყო შიში, რომ სააკაშვილი არ დათმობდა ხელისუფლებას და ეს ძალადობაში გადაიზრდებოდა. მე და სენატორი რიში მივედით სააკაშვილთან არჩევნების შემდეგ და ვუთხარით, რომ მან იშრომა 8 წლის განმავლობაში ძალიან ბევრი, დემოკრატიის სიდიადე კი იმაშია, რომ ხელისუფლება შვიდობიანი არჩევნების შემდეგ უნდა გადაებარებინა ადამიანისთვის, რომელმაც მოიპოვა ხალხის ხმათა უმრავლესობა, კერძოდ, „ქართული ოცნებისთვის“, - განაცხადა ჯინ შაჰინმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს