„კობახიძეზე კომენტარს არ გავაკეთებ, არასერიოზული ღლაპია“, - ასე გამოეხმაურა „ევროპული საქართველოს“ ლიდერი, გიგი უგულავა მმართველი პარტიის ლიდერის, ირაკლი კობახიძის განცხადებას, რომ ზოგიერთმა პარლამენტში არ შესულმა დეპუტატმა ხელფასი მოითხოვა.

უგულავას თქმით, რეალურად „ქართული ოცნება“ მარტო დარჩა და ეშინია.

„კობახიძეზე კომენტარს არ გავაკეთებ, არასერიოზული ღლაპია და მხოლოდ და მხოლოდ საუბრობს იმისთვის, რომ მერე თქვენ, ჟურნალისტებმა ამ თემაზე ილაპარაკოთ.

სინამდვილე არის ის, რომ „ქართული ოცნება“ არის მარტო, მათ არ ეყოთ პოლიტიკური ერთი ადგილი, რომ ახლავე განეხილათ 55-ვე დეპუტატის უფლებამოსილების შეწყვეტის საკითხი, მათ არ ეყოთ თავი რომ რაც იბლატავეს, მაგარ კანონს მივიღებთ და დაფინანსებას ჩამოგართმევთ, „ნაციონალურ მოძრაობას“​ გავუუქმებთ რეგისტრაციასო, სადაა ეს კანონები, რატომ არ იხილავენ? იმიტომ, რომ ეშინიათ“, - განაცხადა უგულავამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს