პოლიტიკურმა სპექტრმა მიიღო გადაწყვეტილება, რომ არ ახდენს არჩევნების ლეგიტიმაციას, ორ ან სამ ადამიანზე არ არის ლაპარაკი, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ „პატრიოტთა ალიანსის“ საპარლამენტო სიის მეოთხე ნომრის, ავთანდილ ენუქიძის პარლამენტში შესვლის საკითხთან დაკავშირებით განაცხადა.

მისი თქმით, ქვეყნისთვის მნიშვნელოვანი იყო, რომ ამ საკითხზე პოლიტიკურ სპექტრს ჰქონდა მყარი პოზიცია.

„ერთ, ორ ან სამ ადამიანზე ხომ არ არის ლაპარაკი. ეს ამბავი უკვე გაფორმდა, რომ პოლიტიკურმა სპექტრმა, როგორც საზოგადოების უდიდესი ნაწილის ერთობამ, გადაწყვეტილება მიიღო, რომ გაყალბებული არჩევნების ლეგიტიმაციას არ ახდენს.

ქვეყნისთვის მნიშვნელოვანი იყო, რომ ამ საკითხზე პოლიტიკურ სპექტრს ჰქონდა მყარი პოზიცია, რადგან მთელი პოლიტიკური სპექტრის დელეგიტიმაცია სახიფათოა დემოკრატიისთვის არამარტო დღეს და ხვალ, არამედ გრძელვადიან პერიოდში“, - განაცხადა გიგა ბოკერიამ.

შეგახსენებთ, რომ „პატრიოტთა ალიანსის“ საპარლამენტო სიის მეოთხე ნომერი ავთანდილ ენუქიძე პარლამენტში შესვლას აპირებს.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს