„ევროპული საქართველოს“ ერთ-ერთი ლიდერი, სერგი კაპანაძე, „ქართული ოცნების“ ინიციატივას ეხმაურება ოპოზიციური პარტიებისათვის დაფინანსების შეწყვეტასთან დაკავშირებით.

კაპანაძის თქმით, „ქართული ოცნება“ აგრძელებს ამ მუქარას იმისათვის, რომ ოპოზიციურმა პარტიებმა შეცვალონ გადაწყვეტილება პარლამენტი არ შესვლასთან დაკავშირებით, რომელიც როგორც კაპანაძემ აღნიშნა გამომდინარეობს საზოგადოებრივი ინტერესებიდან.

კაპანაძემ აღნიშნა, რომ ბიძინა ივანიშვილი  ამ გადაწყვეტილებით კიდევ ერთხელ დაადასტურებს დიქტატურის გზაზე შედგომას.

„ქართული ოცნება“ აგრძელებს ამ მუქარას  იმისთვის, რომ ოპოზიციურმა პარტიებმა შეცვალონ საკუთარი გადაწყვეტილება და პარლამენტში შევიდნენ, მათ ემუქრებიან, რომ თუ ასე არ მოიქცევიან, შეუწყვეტენ დაფინანსებას და „ნაციონალურ მოძრაობას“ საერთოდ მოხსნიან რეგისტრაციიდან, ანუ ივანიშვილს ჯერ კიდევ აქვს ილუზია და ჰგონია, რომ ასეთი მუქარებით ის შეაცვლევინებს პოზიციას იმ პარტიებს, რომლებიც მოქმედებენ საზოგადოებრივი ინტერესებიდან გამომდინარე და საკუთარი ამომრჩევლის დაკვეთით“, - განაცხადა კაპანაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს