იმედი მაქვს, უახლოეს მომავალში არაერთი პარტია ჩაერთვება პარლამენტის საქმიანობაში, - ამის შესახებ პარლამენტის თავმჯდომარემ, არჩილ თალაკვაძემ ჟურნალისტებს განუცხადა.

მისი თქმით, მმართველი გუნდი მზად არის კონსტიტუციის ფარგლებში ისეთი შეთანხმებისთვის, რომელიც სჭირდება საქართველოს დემოკრატიას და მრავალპარტიული პარლამენტის ფუნქციონიორებას.

„მმართველი გუნდი თავიდანვე მხარს უჭერდა დიალოგს. ჩვენ მივიღეთ ყველა რაუნდში სრულფასოვნად მონაწილეობა. ახლაც მხარს ვუჭერთ დიალოგს. მადლობას ვუხდი ჩვენი მთავარი სტრატეგიული პარტნიორის, აშშ-ის ელჩს საქართველოში კელი დეგნანს, ასევე, ევროკავშირის ელჩს, კარლ ჰარცელს. ჩვენ მომხრე ვართ, რომ დიალოგი გაგრძელდეს. იმედი გვაქვს, რომ ის პოზიტიური შედეგით დასრულდება. თუმცა, დიალოგის ფარგლებში რაიმე ტიპის შეთანხმებები ქვეყნის კონსტიტუციის, ქვეყნის სტრატეგიული ინტერესების თუ კანონის უზენაესობის ხარჯზე, რა თქმა უნდა, ვერ მოხდება. ჩვენ მზად ვართ კონსტიტუციის ფარგლებში შეთანხმებისთვის, რომელიც სჭირდება საქართველოს დემოკრატიასა და მრავალპარტიული პარლამენტის ფუნქციონიორებას.

კიდევ ერთხელ მინდა მივმართო ოპოზიციას, დიალოგი გამოვიყენოთ იმისთვის, რათა შევთანხმდეთ არა იმ კატეგორიული მოთხოვნების გარშემო, რომელიც გვესმოდა რადიკალური ოპოზიციის მხრიდან, არამედ შევთანხმდეთ იმ ინტერესების და საკითხების გარშემო, რომელიც დღეს ყველაზე მეტად ჩვენს ქვეყანას და საზოგადოებას სჭირდება. იმედი მაქვს და ასევე საფუძვლიანი მოლოდინიც, რომ უახლოეს მომავალში არაერთი პარტია ჩაერთვება პარლამენტის საქმიანობაში“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს