2020-12-07 16:39:10, 430 ნახვა

---

შალვა ნათელაშვილის განცხადებით, უკეთესობის ნიშნები გამოიკვეთა არა ხელახალი არჩევნების, არამედ საარჩევნო რეფორმის ხაზით

ხელისუფლებასთან შეხვედრაზე გამოიკვეთა უკეთესობის ნიშნები საარჩევნო რეფორმის ხაზით, - ამის შესახებ "ლეიბორისტული პარტიის' ლიდერმა, შალვა ნათელაშვილმა ხელისუფლებასა და ოპოზიციას შორის გამართული შეხვედრის დასრულების შემდეგ, ჟურნალისტებთან საუბრისას განაცხადა.

მისივე თქმით, ოპოზიციას არა საარჩევნო რეფორმა, არამედ ახალი საპარლამენტო არჩევნები სჭირდება და ყველაფერი ამას უკავშირდება.

"ბიძინა ივანიშვილის მიზანია, საკუთარი ტყავი გადაირჩინოს, როგორმე ეს პარლამენტი შეინარჩუნოს და მაქსმიალურად სხვა საკითხებზე წამოვა დათმობებზე. თითქოს რაღაც უკეთესობის ნიშნები გამოიკვეთა საარჩევნო რეფორმის ხაზით, მაგრამ ჩვენ საარჩევნო რეფორმა კი არა, ახალი პარლამენტის არჩევნები გვინდა და შესაბამისად, ამ მიზანს უნდა უკავშირდებოდეს ყველაფერი", - განაცხადა შალვა ნათელაშვილმა.

 

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი