2020-11-25 16:45:09, 597 ნახვა
კომენტარი
პაატა იმნაძე - პრაქტიკულად, ახლა ყველა გაციება არის კოვიდი
პრაქტიკულად, ახლა ყველა გაციება არის კოვიდი, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ საკოორდინაციო საბჭოს სხდომის შემდეგ გამართულ ბრიფინგზე განაცხადა.
მისი თქმით, ამ ეტაპზე ქვეყანაში სეზონური გრიპი არ ცირკულირებს.
„არ არის ჯერ სეზონური გრიპი. ჩვენ ამაზე მუდმივი მეთვალყურეობა გვაქვს. დღეს რაც ცირკულირებს, მათი 90% არის კოვიდი. ძალიან ცოტა იყო ძველი კორონავირუსი, ასევე დაჭერილია ბოკავირუსი, ესეც გაციების გამომწვევი ერთ-ერთი ვირუსია და არის ცოტათი რინოვირუსი, რომელიც სურდოს იწვევს. ესენი არის ძალიან უმნიშვნელო რაოდენობით. პრაქტიკულად, ახლა ყველა გაციება არის კოვიდი“, - განაცხადა პაატა იმნაძემ.
ავტორი: ექსპრესნიუსი,
epn.ge (@expressnews.ge)
