ადამიანურადაც გული დამწყვიტა, - ასე ეხმაურება „ნაციონალური მოძრაობის“ ერთ-ერთი ლიდერი ნიკა მელია პარტიის თავმჯდომარის, გრიგოლ ვაშაძის განცხადებას.

მისი თქმით, ვაშაძემ განცხადება პარტიასთან შეთანხმების გარეშე გაავრცელა, რაც ძალიან სამწუხაროა.

„როდესაც რაღაც განცხადება კეთდება, რომელიც აზრთა სხვადასხვაობას იწვევს ან უბრალოდ სხვადასხვანაირად კითხულობს მკითხველი, ეს უკვე არ არის საუკეთესო განცხადება. სულ ყველაფერს თავი რომ დავანებოთ, როდესაც სხვადასხვა ინტერპრეტაციების საშუალებას იძლევა, არ არის ეს განცხადება საუკეთესო. არავინ არ ვიყავით საქმის კურსში ამასთან ერთად. მაგრამ ის გეგმები, ის მიზანი, რომელიც დღეს ხალხს აქვს და ჩვენ ვართ ერთ-ერთი წარმომადგენლები ამ საზოგადოების, არის არჩევნები, სამართლიანი, თავისუფალი, ახალი არჩევნები ქვეყანაში.

ეს განცხადება გაუგებარია, მით უფრო, როცა არსებობს პარტიაში პრესსამსახური და მისი გვერდის ავლით ბატონ გრიგოლს არასდროს განცხადება არ გაუკეთებია. ადამიანურად გული დამწყვიტა. ეტყობა ყველას ვერ გაუგია, რის წინაშე დგას ქვეყანა“, - განაცხადა ნიკა მელიამ.

შეგახსენებთ, რომ თავდაპირველად გავრცელებულ განცხადებაში გრიგოლ ვაშაძემ პარტიებს მოუწოდა, პროცესი მოლაპარაკების მაგიდასთან გადაიტანონ. მოგვიანებით კი საკუთარ განცხადება დამატებით განმარტა და აღნიშნა, რომ თუ მოლაპარაკებები წარმატებით არ დასრულდება, არც მეორე ტურში მიიღებენ მონაწილეობას და არც პარლამენტში შევლენ.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს