თბილისში ჰოსპიტალურ ქსელ „მედალფამ“  მრავალპროფილიანი კლინიკა გახსნა.

როგორც ჟურნალისტებთან საუბრისას „ავერსის“ დამფუძნებელმა პაატა კუპატაძემ აღნიშნა, ამბულატორიული, სამედიცინო ცენტრის მიზანია პაციენტებმა სწორი დიაგნოზი მიიღონ და მალევე განიკურნონ.

ამასთან, მისივე თქმით, „მედალფაში“ პაციენტების რაოდენობა შეზღუდული არ არის.

„მოგეხსენებათ, „ავერსს“ სადაზღვეო კომპანია აქვს. მისი შვილობილი კომპანია არის „ალფა“.

„ალფას“ ჯანმრთელობის დაზღვევაში რაც შეიძლება მაღალი დონის სტაციონარული მომსახურება ესაჭიროება. ჩვენ გავხსენით,  შვილობილი კომპანიის „მედალფას“ ამბურატორიული დაწესებულება. პოლიკლინიკა, რომელიც დღეიდან უკვე ფუნქციონირებს. ის ნებისმიერ მსურველს მოემსახურება როგორც დაზღვეულს, ასევე დაუზღვეველს. დაწესებულება ყოველდღიურად მუშაობს. პაციენტების რაოდენობა არ არის შეზღუდული. აქ ყველაფერი გაკეთებულია იმისთვის, რომ პაციენტებმა მეტი კომფორტი იგრძნონ და ნაკლებად მოუწიონ რიგში დგომა. რა თქმა უნდა მიიღონ სწორი დანიშნულება, სწორი დიაგნოზი და რაც შეიძლება მალე განიკურნონ“,-განაცხადა პაატა კურტანიძემ.

„მედალფას“ ახალი მრავალპროფილური, ამბულატორიული სამედიცინო ცენტრი წარმოადგენს თანამედროვე ინფრასტრუქტურითა და უახლოესი აპარატურით აღჭურვილ სამედიცინო დაწესებულებას, სადაც უზრუნველყოფილია მაღალი ხარისხის სამედიცინო მომსახურება და კომფორტული გარემო. კლინიკას 85-კაციანი  სამედიცინო პერსონალი ჰყავს.

სამედიცინო ცენტრში შესაძლებელია ოჯახის ექიმისა და ექიმ სპეციალისტების: კარდიოლოგის, ენდოკრინოლოგის, ნევროლოგის, დერმატონევროლოგის, მამოლოგის, ანგიოლოგის, რევმატოლოგის, გასტროენტეროლოგის, უროლოგის, ოტორინოლარინგოლოგის, ოფთალმოლოგის, რეპროდუქტოლოგის, გინეკოლოგის, ალერგოლოგის, პროქტოლოგის, ონკოდერმატოლოგის, ტრამვატოლოგის, ქირურგის, პედიატრის, ბავშვთა ნევროლოგის, ბავშვთა ენდოკრინოლოგის, ბავშვთა ქირურგის, ბავშვთა კარდიოლოგის და სხვა.

პაციენტებს ცენტრში შეეძლებათ მიიღონ როგორც სრული სტომატოლოგიური მომსახურება.  მათ ასევე  შესაძლებლობა ექნებათ ჩაიტარონ შემდეგი სახის კვლევები, როგორიცაა: ექოსკოპია, ციფრული რენტგენოგრაფია, სპირომეტრია, ელექტროკარდიოგრაფია, ენდოსკოპია, დერმატოლოგია, ანოსკოპია, ინსემინაცია და კლინიკური ლაბორატორიული კვლევები.

ცნობისთვის, კომპანია „მედალფა“ 2011 წლის 13 აგვისტოს დაარსდა და ამჟამად ოთხ მრავალპროფილიან საავადმყოფოს: ოზურგეთის, ლანჩხუთის, ჩოხატაურის, კასპის სამედიცინო ცენტრებს- აერთიანებს. ამიერიდან კი მათ რიცხვს თბილისის ამბულატორიული კლინიკაც შეემატა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს