საქართველოს ფინანსთა მინისტრმა ნოდარ ხადურმა მთავრობის სხდომის დასრულების შემდეგ 2016 წლის ბიუჯეტის დაგეგმვის პარამეტრებზე ისაუბრა. 

მინისტრის თქმით, მომავალი წლის ბიუჯეტი შემდეგ პარამეტრებზეა დაგეგმილი: 3%-იანი ეკონომიკური ზრდა, 3%-იანი საბიუჯეტო დეფიციტი და დაახლოებით, 4, 4.5%-იანი ინფლაცია, რაც გათვალისწინებულია ეროვნული ბანკის მონეტარული პოლიტიკით.

"მომავალ წელს პირველად საქართველოში საშემოსავლო გადასახადის დიდი ნაწილი დარჩება ადგილობრივ  მუნიციპალიტეტებს,  ნაერთი ბიუჯეტის საგადასახადო შემოსავლები იქნება დაახლოებით,  8.5 მილიარდი და სახელმწიფო  ბიუჯეტის  შემოსულობები და ხარჯები დაახლოებით, 10 მილიარდი ლარი იქნება",-აღნიშნა ფინანსთა მინისტრმა.

ამასთან, ნოდარ ხადურის მტკიცებით,  მაკროეკონომიკური პარამეტრები, რომელიც  ლარის კურსზე მოქმედებდა, ამოწურულია.

"ბოლო დღეებში აშკარად შეიმჩნევა მისი ცვლილება. საგარეო გაცვლითი კურსი ამ შემთხვევაში დიდ ზეგავლენას არ ახდენს",-განაცხადა ნოდარ ხადურმა და აქვე განმარტა,  რომ  საგარეო  გაცვლითი  კურსი ზემოქმედებს მხოლოდ 2 ფაქტორზე-ეს არის საგარეო ვალის აღება და მისი დაფარვა.

"სახელმწიფო ბიუჯეტი არც აქამდე ახდენდა და არც ამის შემდეგ არ მოახდენს  ზეგავლენას გაცვლით კურსზე",-დასძინა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს