2020-10-30 14:12:03, 485 ნახვა

---

პრემიერი - ქვეყანაში სისტემური „ლოქდაუნი“ არ იქნება, უპასუხისმგებლო პოლიტიკოსები ამ საკითხს ხმების დასაგროვებლად იყენებენ

პრემიერ-მინისტრმა გიორგი გახარიამ საკოორდინაციო საბჭოს დასრულების შემდეგ ბრიფინგზე განაცხადა, რომ ქვეყანაში სისტემუი "ლოქდაუნი“ არ იქნება, თუმცა იქნება წერტილოვანი შეზღუდვები.

მისივე თქმით, უპასუხისმგებლო პოლიტიკური ძალები იყენებენ მოქალაქეებისთვის მნიშვნელოვან საკითხებს, რათა მოკლე ვადაში ხმები დააგროვონ.

„ბევრი იყო საუბარი წინასაარჩევნო პროცესსში „ლოქდაუნთან“ დაკავშირებით, მე მინდა გითხრთ, რომ ეს ერთი მაგალითია, არჩევნებამდე რამდენიმე დღით ადრე უპასუხისმგებლო პოლიტიკური ძალა ან ძალები, როგორ იყენებენ ჩვენი მოქალაქეებისთვის მნიშვნელოვან საკითხებს, იმისთვის, რომ მოკლე ვადაში რაღაც ხმები დააგროვონ. კიდევ ერთხელ აღვნიშნავ, ქვეყანაში სისტემური, ქვეყნის მასშტაბით „ლოქდაუნი“ არ იქნება, იქნება წერტილოვანი კონკრეტული მიმართულებებით, მაგრამ სისტემური სრულიად საქართველოს მასშტაბით „ლოქდაუნი“ არ და ვერ იქნება“, - განაცხადა პრემიერმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი