ქობულეთის მუნიციპალიტეტის სოფელ ჭახათში შპს “თამარის დასახლების საოჯახო მედიცინის ცენტრის“, შპს ,,აჭარის ავტონომიური რესპუბლიკის ონკოლოგიური ცენტრის", სს ,,ქობულეთის სამედიცინო ცენტრის" და შპს ,,ქ. ბათუმის N4 პოლიკლინიკის" ექიმებმა ერთობლივი უფასო სამედიცინო აქცია ჩაატარეს.

აჭარის ჯანდაცვის სამინისტროს ინფორმაციით, აქციის ფარგლებში ადგილობრივებს მომსახურება გაუწია: კარდიოლოგმა, ექოსკოპისტმა, თერაპევტმა, ნევროპათოლოგმა, ენდოკრინოლოგმა, პედიატრმა, უროლოგმა და ოტო-რინო-ლარინგოლოგმა. ჩატარდა კარდიოლოგიური და ექოსკოპიური კვლევები. მომსახურება გაეწია 300-დე პაციენტს.

აქციის მიმდინარეობის პროცესს ადგილზე გაეცნენ აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე, მინისტრის მოადგილე ზურაბ თენიეშვილი, აჭარის ა.რ. უმაღლესი საბჭოს საფინანსო-საბიუჯეტო და ეკონომიკურ საკითხთა კომისიის თავმჯდომარე ანზორ თხილაიშვილი და ქობულეთის მუნიციპალიტეტის გამგებელი სულხან ევგენიძე.

ექიმებთან შეხვედრისას მინისტრმა განმარტა, რომ 2016 წელს აჭარის ჯანდაცვის სამინისტრო გეგმავს ქობულეთის მუნიციპალიტეტის პირველადი ჯანდაცვის ცენტრებისთვის შეიძინოს ავტომანქანები, რაც გაზრდის ჯანდაცვის ხელმისაწვდომობას და სოფლის ექიმის მობილობას.

უფასო სამედიცინო აქცია აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ინიციატივით და ქობულეთის მუნიციპალიტეტის გამგეობის ორგანიზებით ჩატარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა