სომხეთი განჯასა და მინგეჩაურზე სარაკეტო თავდასხმას უარყოფს

2020-10-17 10:48:09, 1325 ნახვა

მსოფლიო

სომხეთი უარყოფს განჯასა და მინგეჩაურზე სარაკეტო თავდასხმის განხორციელებას, - ამის შესახებ ინფორმაციას სომხური მედია ავრცელებს.

სომხეთის თავდაცვის სამინისტროში განაცხადეს, რომ არც სომხეთის ტერიტორიიდან და არც სომხეთის არმიის მიერ აზერბაიჯანის მიმართულებით ცეცხლი არ გახსნილა.

ცნობისთვის, აზერბაიჯანის თავდაცვის სამინისტროს განცხადებით, სომხეთის არმიამ განჯაში ბალისტიკური რაკეტა ჩამოაგდო. უწყების ცნობით, სარაკეტო თავდასხმა განხორციელდა ქალაქ მინგეჩაურზეც. ოფიციალური ბაქოს ცნობით, განჯაში თავდასხმის შედეგად 12 ადამიანი გარდაიცვალა, მათ შორის 2 ბავშვია. დაშავებულია 40-მდე ადამიანი.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან