ახალაია უგულავას გათავისუფლებაზე: ეს ფაქტი ხელისუფლების დასასრულის მკაფიო დასაწყისია

2015-09-18 13:11:04, 371 ნახვა

პოლიტიკა

თავდაცვის ყოფილი მინისტრი ბაჩო ახალაია დედაქალაქის ყოფილ მერს გიგი უგულავას გათავისუფლებას ულოცავს.

ახალაია განცხადება მისი Facebook-ის გვედზე გამოქვეყნდა.

„ვულოცავ გიგის - უკანონო პოლიტპატიმარს განთავისუფლებას! ვუსურვებ წარმატებებს რეჟიმის წინააღმდეგ ბრძოლაში. ვფიქრობ გიგი შეიტანს მნიშვნელოვან წვლილს რიგგარეშე არჩევნების მიღწევაში. მანამდე კი მთავარია ამ უნამუსო ხელისუფლებამ ისევ უკანონოდ და უსამართლოდ არ დაიჭიროს და ისევ არ დაატყვევოს.

მიუხედავად ყველაფრისა, რაც არ უნდა ეცადოს ხელისუფლება ეს ფაქტი უკვე სწორედ რომ მათი დასასრულის მკაფიო დასაწყისია“, - ნათქვამია ახალაიას განცხადებაში.

ცნობისთვის, გიგი უგულავა გუშინ გათავისუფლდა. შესაბამისი გადაწყვეტილება სასამართლო კოლეგიამ მიიღო, რომელსაც ლილი მსხილაძემ ხელმძღვანელობდა.

სასამართლომ საკონსტიტუციო სასამართლოს გადაწყვეტილების საფუძველზე გიგი უგულავას გათავისუფლების შესახებ დაცვის მხარის შუამდგომლობა დააკმაყოფილა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან