„მარტო სადღეგრძელო და იმაზე საუბარი, თუ როგორი უნდა იყოს ქვეყანა, რომ უნდა იყოს მდიდარი, ყველას უნდა ჰქონდეს შემოსავალი, სასამართლო უნდა იყოს დამოუკიდებელი, ეს საკმარისი ნამდვილად არ არის“, - ამის შესახებ „ევროპული საქართველოს“ წევრმა სერგი კაპანაძემ განაცხადა.

მისი თქმით, სააკაშვილის განცხადებაში ნახსენები არაა ის კონკრეტული გზები, თუ რა უნდა გაკეთდეს, რათა უმძიმესი ეკონომიკური კრიზისი დაიძლიოს.

„სამწუხაროდ, გუშინ მოვისმინეთ იმის ხედვა, თუ როგორი არის მდიდარი საქართველო, რაც ყველას კარგად ესმის და კარგად აქვს წარმოდგენილი. თუმცა არ იყო ნახსენები ის კონკრეტული გზები, თუ რა უნდა გაკეთდეს, რათა ეს უმძიმესი ეკონომიკური კრიზისი დავძლიოთ.

მარტო სადღეგრძელო და იმაზე საუბარი, თუ როგორი უნდა იყოს ქვეყანა, რომ უნდა იყოს მდიდარი, ყველას უნდა ჰქონდეს შემოსავალი, სასამართლო უნდა იყოს დამოუკიდებელი, ეს საკმარისი ნამდვილად არ არის.

ჩვენ როდესაც ვამბობთ, რომ ვართ კომპასი გარდამტეხი ცვლილებებისათვის, ვსაუბრობთ იმაზე, თუ რა არის გზა, რა უნდა გაკეთდეს, რომ დადგეს კარგი შედეგი და არა უბრალოდ სადღეგრძელო თუ რა გვინდა, რომ მოხდეს მომავალში”, - განაცხადა კაპანაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სუს-მა ქვეყნის მასშტაბით ელექტროენერგიის მიწოდების ავარიულად გათიშვის გამო გამოძიება საბოტაჟის მუხლით დაიწყო

მახინჯაურის სანაპიროსთან ზღვაში, სავარაუდოდ, რუსული საბრძოლო მასალა შენიშნეს

ბათუმში ავარიას ორი ადამიანის სიცოცხლე ემსხვერპლა, ათამდე ადამიანი დაშავდა

Wall Street Journal: ბაჰრეინმა და ქუვეითმა ირანზე ფარულად დარტყმები განახორციელეს