ფრაქცია „ერთიანი ნაციონალური მოძრაობის“ თავმჯდომარის, რომან გოცირიძის განცხადებით, ყველამ ძალიან კარგად იცის, საარჩევნო პერიოდში „ქართული ოცნების“ 8-წლიანი საქმიანობის საფირმო ნიშანი ძალადობა, დაშინება და მოსყიდვა იყო.

როგორც მან პარლამენტის საშემოდგომო სესიის პლენარულ სხდომაზე აღნიშნა, ცვლილებები, რომელიც „ქართულმა ოცნებამ“ საარჩევნო კოდექსში წარმოადგინა, თვალის ასახვევად შემოგდებული ფანდია და ამ საკენკს აღარავინ აკენკავს.

„ყველამ ძალიან კარგად იცის, „ქართული ოცნების“ 8-წლიანი საქმიანობის საფირმო ნიშანი საარჩევნო პერიოდში იყო ძალადობა, დაშინება, მოსყიდვა, ადმინისტრაციული რესურსი გამოყენება, კრიმინალების ჩართვა საარჩევნო პროცესში და მათი გამოყენება მეზობლების, ახლობლებისა და მათი გარემოცვის დასაშინებლად. თურმე, თქვენ ახლა შემოგაქვთ არნახული ცვლილებები და ამით გინდათ მოატყუოთ საერთაშორისო პარტნიორები. თურმე, პრობლემა იმაში ყოფილა, რომ დღევანდელ კანპონში რაღაც სანქცია მხოლოდ ორ წლიან პატიმრობას ითვალისწინებს. თქვენს მიერ შემოტანილ კანონპროექტში გაამკაცრეთ და გახადეთ სამი წელიწადი. ამის გამო ხდებოდა თურმე საარჩევნო ყუთების გატაცება, საარჩევნო ოლქების დარბევა, ოპოზიციის წარმომადგენლების ცემა ზონდერ ჯგუფების მიერ“, - განაცხადა რომან გოცირიძემ.

ავტორი: ექსპრესნიუსი,

სოციალური ქსელები

Wall Street Journal: ბაჰრეინმა და ქუვეითმა ირანზე ფარულად დარტყმები განახორციელეს

უცნობი იუმორისტზე თავდამსხმელის გათავისუფლებაზე - ცემა ძალადობა არის, მაგრამ კონკრეტულ შემთხვევაში არ არის

რეჟიმის სასამართლომ ონისე ოქრიაშვილზე თავდამსხმელი გაათავისუფლა

ზელენსკიმ უკრაინაში 10 000 კმ-მდე მოქმედების რადიუსის მქონე დრონების შესახებ განაცხადა