პარლამენტის თავმჯდომარის დავით უსუფაშვილის შეფასებით, ქვეყანაში პოლიტიკური თავისუფლების თვალსაზრისით მდგომაროება გაუმჯობესდა. თუმცა, მისივე თქმით, არ უნდა იყოს იმის ილუზია, რომ „საქმე დასრულებულია“.

როგორც უსუფაშვილმა ჟურნალისტებს განუცხადა, ქვეყანა ქართულ ტრადიციულ სტანდარტებთან შედარებით, უკეთეს მდომარეობაშია, თუმცა ევროპულ სტანდარტებთან მისასვლელად გასაკეთებელი ჯერ კიდევ ბევრია.

„ვერც ერთი ობიექტური შემფასებელი გვერდს ვერ აუვლის იმ ფაქტს, რომ ბოლო წლებში საქართველოში მნიშვნელოვნად გაუმჯობესდა მდგომარეობა პოლიტიკური თავისუფლების თვალსაზრისით. ორი არჩევნები ჩატარდა, რომლებიც ერთმანეთზე უკეთესი იყო და ყველა იმ ჩატარებულ არჩევნებზე დემოკრატიულად იყო აღიარებული. მედიის თავისუფლება, ბიზნესის თავისუფლება, თვითმმართველობის და დეცენტრალიზაციის დონე მნიშვნელოვნად არის გაუმჯობესებული, მაგრამ ცხადია ჩვენ არ უნდა გვქონდეს იმის ილუზია, რომ საქმე დასრულებულია, რომ ჩვენ მივაღწიეთ ევროპულ სტანდარტებს, ჩვენ გვაქვს ქართულ ტრადიციულ სტანდარტებთან შედარებით, გაცილებით უკეთესი მდგომარეობა, მაგრამ ევროპულ სტანდარტებთან მისასვლელად ჯერ კიდევ ბევრი გვაქვს გასაკეთებელი. ასეთი მიმართულებით მუშაობა შესაწყვეტი არ არის. არ გამოვრიცხავ ცალკეული პრობლემების არსებობას, მაგრამ დარწმუნებული ვარ, რომ მოქმედ ხელისუფლებას და ყველას საქართველოში მკაფიოდ აქვს გააზრებული, თუ ჩვენ ოდნავ მაინც გადავუხვევთ ამ კურსიდან, მაშინ ყველაფერი უკუღმა წავა უსაფრთხოების, ეკონომიკის თვალსაზრისით და ასე შემდეგ“, - განაცხადა უსუფაშვილმა.

პარლამენტის თავმჯდომარე მომავალ არჩევნებს ოპტიმისტურად უყურებს და აცხადებეს, რომ ეს იქნება იმის დასტური, რომ საქართველოში დემოკრატია დამკვიდრდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა