შინაგან საქმეთა მინისტრის მოადგილე არჩილ თალაკვაძე და  შსს-ს საპატრულო პოლიციის დეპარტამენტის დირექტორი გოგა რაზმაძე სასტუმრო „ჰოლიდეი ინში“, საგზაო მოძრაობის უსაფრთხოების შესახებ ევროკავშირის მხარდაჭერით ორგანიზებულ კონფერენციას დაესწრნენ.

კონფერენციაზე არასამთავრობო ორგანიზაციამ „საქართველოს ალიანსი უსაფრთხო გზებისთვის“ ქვეითებისა და მძღოლების ქცევის შესახებ ჩატარებული კვლევის შედეგები წარადგინა.

კონფერენციის მიზანი იყო დაინტერესებული მხარეებისთვის ინფორმაციის მიწოდება იმ მიზეზების შესახებ, რის გამოც ქვეითები და მძღოლები საგზაო მოძრაობის წესებს არღვევენ. კონფერენციის ფარგლებში, შინაგან საქმეთა სამინისტროს წარმომადგენლებმა საგზაო მოძრაობის უსაფრთხოების პროგრამაზე ისაუბრეს, რომელიც შს მინისტრ გიორგი მღებრიშვილის დავალებით მზადდება და უახლოეს მომავალში განხორციელდება.

ღონისძიებას ასევე დაესწრნენ ქალაქ თბილისის ვიცე-მერი ირაკლი ლექვინაძე, საქართველოს ეკონომიკისა და მდგრადი განვითარების, განათლებისა და მეცნიერების, რეგიონული განვითარებისა და ინფრასტრუქტურის სამინისტროების წარმომადგენლები, ამერიკის შეერთებული შტატების, ნიდერლანდების სამეფოს, ესტონეთის რესპუბლიკის საელჩოების წარმომადგენლები, არასამთავრობო სექტორი და სხვა დაინტერესებული მხარეები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც