პრემიერ-მინისტრის, გიორგი გახარიას განცხადებით, კორონავირუსის 4 ახალი შემთხვევა, რომელთა ინფიცირების წყაროც უცნობია, ფაქტობრივად 4 ახალი კლასტერია.

როგორც მან აღნიშნა, ინფიცირების 4 უცნობი შემთხვევიდან 3 თბილისშია.

„გვაქვს ინფიცირების 6 ახალი შემთხვე. ეს ერთი შეხედვით არა არის ბევრი, მაგრამ უკიდურესად საგანგაშოა ის ფაქტი, რომ მათგან 4-ის წარმომავლობა, დღეის მდგომარეობით, არ არის ცნობილი. ამ 4 შემთხვევიდან, რომლის წყაროც უცნობია, სამი გახლავთ თბილისში.

ყველას კარგად უნდა გვესმოდეს, რომ მიუხედავად იმისა, რომ ჩვენ გავხსენით ეკონომიკა, მივიღეთ ის გადაწყვეტილებები, რომლებიც აძლევს ჩვენს მოქალაქეებს შესაძლებლობას, რომ ნაკლები შეზღუდვებით ვიცხოვროთ ყოველდღიურად, გავაგრძელოთ ჩვენი ყოველდღიური, ჩვეული ეკონომიკური საქმიანობა, არცერთ შემთხვევაში არ უნდა დაგვავიწყდეს და არავის არ უნდა ჰქონდეს იმის ილუზია, რომ ვირუსი დამარცხებულია და ეს ძალიან კარგი მაგალითია იმის, რაც შეიძლება მოხდეს. ყველას კარგად უნდა გვესმოდეს, რომ 4 შემთხვევა, რომლის წყაროც უცნობია არის დიდი რისკის შემცველი. ეს ფაქტობრივად არის 4 ახალი კლასტერი, რომლებზეც ჩვენ არანაირი წარმოდგენა არ გვაქვს საიდან, როდის და სად მოხდა ინფიცირება, რაც, რა თქმა უნდა, საგანგაშოა.

გარდა ამისა, ყველას უნდა გვესმოდეს, რომ ცვენ არცერთ შემთხვევაში არ უნდა გადავდგათ ისეთი ნაბიჯები და უნდა ვიყოთ უკიდურესად ფრთხილები და გონიერები, რომ ის მიღწევა, რომელიც ჩვენ გაგვაჩნია არ დავკარგოთ. ამის ბევრი მაგალითია დღეს მსოფლიოშიუ, თუ როგორ ხდება მეორედ ეპიდაფეთქება სხვადასხვა ქვეყნებში. ამიტომ, მინდა თითოეულ უწყებას და თითოეულ ჩვენს მოქალაქეს მოვუწოდო უკიდურესი გონიერებისა და სიფრთხილისკენ“, - განაცხადა პრემიერმა.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს