აშშ-ს ყოფილმა პრეზიდენტმა, ბარაკ ობამამ, მომიტინგეებს, რომლებიც ჯორჯ ფლოიდის გარდაცვალებასთან დაკავშირებით რამდენიმე დღეა აქციას მართავენ, სიტყვით მიმართა.

"გახსოვდეთ, რომ ეს ქვეყანა პროტესტის ნიშნად შეიქმნა - მას ამერიკული რევოლუცია ეწოდება", - განაცხადა ობამამ.

"ამ ქვეყანაში წინსვლის ყველა ნაბიჯი, თავისუფლების გაფართოება, ჩვენი ღრმა იდეალების ყოველი გამოხატულება მიღწეული იქნა იმ ძალისხმევით, რომლებმაც სტატუს კვო არასასიამოვნო გახადეს”, - თქვა ობამამ.

მანვე დაამატა, რომ "უნდა ვიყოთ მადლიერი იმ ხალხის გამო, ვისაც სურს მშვიდობიანი, მოწესრიგებული ქვეყანა".

გარდა ამისა, ობამამ შეერთებულ შტატებში ყველა მერს მოუწოდა გადახედოს ძალის გამოყენების პოლიტიკას და აგრესიულად გაატაროს პოლიციასთან დაკავშირებული რეფორმები.

ცნობისთვის, ჯორჯ ფლოიდი, 46 წლის აფროამერიკელი, მოკლეს წინა ორშაბათს მინეაპოლისში პოლიციის დაკავების დროს. საქმეში მონაწილე პოლიციელებს ბრალი წაუყენეს ფლოიდის მკვლელობაში და განაჩენი ორშაბათს სასამართლოში უნდა გამოცხადდეს. კადრებში, რომლებიც ინტერნეტში ვრცელდება ჩანს, რომ პოლიციელი, შოვინი რამდენიმე წუთის განმავლობაში ფლოიდს კისერზე მუხლს ადებს. აღსანიშნავია ისიც, რომ ფლოიდი არაერთხელ ამბობს, რომ მას სუნთქვა არ შეუძლია. აღნიშნულმა ფაქტმა აშშ-ს 30-ზე მეტ ქვეყანასა და ევროპის ქვეყნებში რასიზმის წინააღმდეგ აქციები გააქტიურა. აქციის მონაწილეები სამართლიანობის აღდგენას ითხოვენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი