მაკედონია მიგრანტების ნაკადს ვეღარ უმკლავდება

2015-08-22 14:29:35, 1500 ნახვა

მსოფლიო

მაკედონიას საბერძნეთის საზღვარზე დაგროვილი მიგრანტების მისაღებად რესურსები აღარ ჰყოფნის.

ამის შესახებ BBC-სთან ინტერვიუში ქვეყნის საგარეო საქმეთა მინისტრმა ნიკოლა პოპოსკიმ განაცხადა.

ყოველდღიურად 3–3.5 ათასი მიგრანტი ცდილობს ჩვენი საზღვრის გადაკვეთას. მაკედონიაში სულ 2 მილიონი ადამიანი ცხოვრობს და ჩვენ ამ პრობლემას ვეღარ ვუმკლავდებით“, – განაცხადა მინისტრმა.

მისივე თქმით, მაკედონიას საზღვრის უკანონო კვეთაზე კონტროლის გაძლიერება მოუხდა, რისთვისაც ის სპეციალურ კედელს ააშენებს.

პოპოსკის განცხადებით, ბოლო ორი თვის განმავლობაში მაკედონიის გავლით ევროკავშირში 44 ათასი მიგრანტი მოხვდა, მათი უმრავლესობა ერაყიდან, სირიიდან და ავღანეთიდან არიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან