რჩება კიდევ შესაძლებლობის ფანჯარა სანამ საკონსტიტუციო პროცესი მიმდინარეობს, - ამის შესახებ „ნაციონალური მოძრაობის“ ლიდერმა სალომე სამადაშვილმა განაცხადა.

სამადაშვილი მოუწოდებს ხელისუფლებას, რომ სასამართლო პოლიტიკური წნეხისგან გათავისუფლდეს და გამოუშვან გიორგი რურუა.

„როგორც ვხედავთ, სასამართლომ დღეს დატოვა საპყრობილეში გიორგი რურუა. კიდევ ერთხელ შეასრულა პოლიტიკური დაკვეთა. როგორც ჩანს ხელისუფლებას გადაწყვეტილი აქვს, რომ ჩაშალოს 8 მარტის შეთანხმება იმიტომ, რომ ოპოზიციამ არაერთხელ განაცხადა პირობა უნდა შესრულდეს, გიორგი რურუა უნდა გათავისუფლდეს იმისთვის, რომ ჩვენ შევძლოთ მხარი დავუჭიროთ საკონსტიტუციო ცვლილებებს და ქვეყანაშ მოხდეს პოლიტიკური პროცესის შესაბამისად ნორმალიზაცია. რჩება კიდევ შესაძლებლობის ფანჯარა სანამ საკონსტიტუციო პროცესი მიმდინარეობს და მინდა დღეს აქ მოვუწოდო ბიძინა ივანიშვილსა და მის ხელისუფლებას, გაათავისუფლოს სასამართლო პოლიტიკური წნეხისგან იმისთვის, რომ სასამართლომ შეძლოს მიიღოს ის გადაწყვეტილება, რომელიც არის კანონიერი და გაათავისუფლოს გიორგი რურუა“, - განაცხადა სალომე სამადაშვილმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს