მეუფე ანდრიას განცხადებით, პარლამენტშიც ვხედავდით მცდელობას ეკლესიის წევრების სტიგმატიზაციისკენ, რაც პოლიტიკურ მოუმწიფებლობაზე მეტყველებს

2020-05-06 11:53:30, 1233 ნახვა

კომენტარი

გორისა და ატენის მიტროპოლიტმა, მეუფე ანდრიამ განაცხადა, რომ პარლამეტში და ზოგიერთი პოლიტიკოსისგან ესმოდა მოწოდებები ეკლესიების სტიგმატიზაციისკენ.

მანვე აღნიშნა, რომ ამ ადამიანთა ამომრჩევლები არიან ეკლესიის წევრები და ამგვარი შეფასება მათ პოლიტიკურ მოუმწიფებლობაზე მეტყველებს.

„ეკლესიის კლასტერის გამოყოფაზე მგონი ყველაფერი გარკვეულია. უბრალოდ ვწუხვარ იმაზე, რომ ვხედავდით ამ დღეების მანძილზე მცდელობას და მოწოდებას ეკლესიის წევრების სტიგმატიზაციისკენ. მე ამას ასე ვაფასებ, ვხედავდი ასევე ჩვენი ქვეყნის მთავარ სახელმწიფოს ორგანოში პარლამეტში,ზოგი პოლიტიკოსისგანაც,რაც მაკვირვებს მე, რადგან ამ ადამიანთა ამომრჩევლები არიან ეკლესიის წევრები და ამგვარი შეფასება მათ პოლიტიკურ მოუმწიფებლობაზე მეტყველებს“, - განაცხადა მეუფე ანდრიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან