2020-05-04 09:52:43, 1324 ნახვა

---

საქართველოს საელჩო იტალიაში - ხელმისაწვდომია ავტოსერთიფიკატის ახალი მოდული, რომელიც დღეიდან აუცილებელია გადაადგილებისას

საქართველოს საელჩო იტალიაში მოქალაქეებისთვის განცხადებას ავრცელებს.

საელჩო განცხადებაში მოქალაქეებს ქვეყნის ტერიტორიაზე გადაადგილებისთვის საჭირო ავტოსერტიფიკატის შესახებ ინფორმაციას აცნობს.

„ხელმისაწვდომია ავტოსერთიფიკატის ახალი მოდული, რომელიც ხვალიდან აუცილებელია გადაადგილებისას! წინა მოდულის გამოყენება ჯერ კიდევ შესაძლებელია, თუ გადახაზავთ უკვე არააქტუალურ პუნქტებს!

ავტოსერთიფიკატის ჩამოტვირთვა და ამობეჭდვა შეგიძლიათ აქ (იხ. ბმული).

შეგიძლიათ მოიკითხოთ ტაბაკერიებში.

ავტოსერთიფიკატის მოდულს, მისი არქონის შემთხვევაში, შემოწმების მომენტში ადგილზე შეგავსებინებთ პოლიციის აგენტი.

შეგახსენებთ, რომ ავტოსერთიფიკატი აუცილებელია იტალიის ტერიტორიაზე ნებისმიერი გადაადგილების დროს, გარდა: სამსახურში წასვლის დროს (აქ უნდა წარადგინოთ სამუშაო ადგილის საშვი ან დამსაქმებლის წერილი), სპორტული აქტივობის და პარკში სეირნობისას“,- ნათქვამია საელჩოს განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი