აღმოსავლეთ უკრაინაში საბრძოლო მოქმედებები განახლდა

2015-08-17 11:04:03, 1264 ნახვა

მსოფლიო

აღმოსავლეთ უკრაინაში საბრძოლო მოქმედებებმა კვლავ ინტენსიური სახე მიიღო.

უკრაინული მედიის ცნობით, პრორუსი მებრძოლები უკრაინული ჯარის პოზიციებს ნაღმტყორცნებით უტევენ. განსაკუთრებით დაძაბული მდგომარეობაა ქალაქ მარიუპოლის მახლობლად.

Interfax-ის ინფორმაციით, დაპირისპირების შედეგად მარიუპოლში ორი მშვიდობიანი მოქალაქე დაიღუპა, რამდენიმემ კი დაზიანებები მიიღო. სროლის ხმა ისმოდა დონეცკის მახლობლადაც.

თებერვალში მინსკში მიღწეული შეთანხმების მიუხედავად, აღმოსავლეთ უკრაინაში დღემდე დაძაბული ვითარებაა და საბრძოლო მოქმედებები ამ დრომდე გრძელდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან