2020-04-25 12:02:06, 11834 ნახვა

---

პირველ საუნივერსიტეტო კლინიკაში კორონავირუსით ინფიცირებული 112 პაციენტიდან, 3-ის მდგომარეობა მძიმედ რჩება

თსსუ-ს პირველ საუნივერსიტეტო კლინიკაში კორონავირუსით ინფიცირებული 112 პაციენტიდან, 3-ის მდგომარეობა მძიმედ რჩება. ამის შესახებ, კლინიკის დირექტორმა ლევან რატიანმა ჟურნალისტებთან საუბრისას განაცხადა.

მისივე თქმით, გუშინ კლინიკაში მიიღეს 7 ახალი პაციენტი, რომლებთანაც არ დასტურდება გართულება.

„ამ ეტაპზე კლინიკაში გვყავს 112 პაციენტი, აქედან რეანიმაციულ განყოფილებაში ისევ გვიწევს 8 პაციენტი, დამატებითი შემთხვევა არ გვაქვს, 3-ის მდგომარეობა რჩება მძიმე, 5-ის მდგომარეობა, ამ ეტაპამდე, სტაბილურად რჩება, დანარჩენი პაციენტების ზოგადი მდგომარეობა ამ ეტაპზე, სტაბილურია, 44 პაციენტი გვყავს ორმხირი მწვავე პნევმონიით, მაგრამ უარყოფითი დინამიკის გარეშე. გუშინ მივიღეთ 7 ახალი პაციენტი, რომელთანაც არ დასტურდება ამ ეტაპზე, არანაირი გართულება“, - განაცხადა ლევან რატიანმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი