2015-08-12 18:56:47, 544 ნახვა
საზოგადოება
„პარტიზანული მებაღეობის“ წარმომადგენელმა საკრებულოს დეპუტატებს წყალი გადაასხა
თბილისის საკრებულოს სხდომაზე, სადაც მირზაშაფის კორექტირებულ პროექტს განიხილავენ, მორიგი ინციდენტი მოხდა.
„პარტიზანული მებაღეობის“ წარმომადგენელმა ნატა ფერაძემ პროექტთან დაკავშირებით პროტესტი გამოთქვა. მან საკუთარი პოზიცია ხმამაღლა დააფიქსირა.
სხდომაზე ფერაძესა და საკრებულოს თავმჯდომარეს, გიორგი ალიბეგაშვილს შორის შელაპარაკება მოხდა. ალიბეგაშვილმა „პარტიზანული მებაღეობის“ წარმომადგენელს მოუწოდა, რომ ზერელედ ნუ აფიქსირებდა პოზიციას. ნატა ფერაძემ სამოქალაქო საზოგადოების წარმომადგენლებისთვის განკუთვნილი ადგილიდან, რომელიც მეორე სართულზე მდებარეობს, დეპუტატებს ბოთლიდან წყალი გადაასხა.
ნატა ფერაძეს საკრებულოს შენობა მანდატურებმა დატოვებინეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
