ექსპრეს საზოგადოებრივი ცენტრის პირველ მომხმარებელს, სოფელ ახალხიზაში,  მზა დოკუმენტი სახელმწიფო სერვისების განვითარების სააგენტოს თავმჯდომარემ შიო ხეცურიანმა პირადად ჩაუტანა.

სერვისების განვითარების სააგენტოს ინფორმაციით, ახალხიზელი  ირმა ზურაბაშვილი, რომელიც პირადობის ელექტრონული მოწმობის მისაღებად განაცხადი სოფლიდან გაუსვლელად,  ექსპრეს  საზოგადოებრივი ცენტრის საშუალებით გააკეთა, ახლადშექმნილი პროექტის პირველი მომხმარებელი აღმოჩნდა.

როგორც სერვისების განვითრების სააგენტოს თვმჯდომარემ შიო ხეცურიანმა სოფელ ახალხიზაში სტუმრობისას განაცხადა პირველ მომხმარებელს,  პირადობის დამადასტურებელ დოკუმენტთან ერთად სერვისების განვითარების სააგენტოს სახელობითი სიმბოლური საჩუქრებიც გადაეცა.

„მოხარული ვარ, რომ ექსპრეს საზოგადოებრივი ცენტრების მეშვეობით სოფლად მცხოვრებ მოსახლეობას საშუალებას ვაძლევთ სოფლიდან გაუსვლელად, ლიბერთი ექსპრესის მობილურ ავტომანქანაში განთავსებული ექსპრეს საზოგადობრივი ცენტრის ოპერატორის საშუალებით მიიღოს არა მხოლოდ პირადობის დამადასტურებელი მოწმობა და პასპორტი, არამედ 200 მეტი სხვა დოკუმენტიც. აქ მომხმარებელს სწრაფად შეუძლია მიიღოს, როგორც სახელმწიფო სერვისების განვითარების სააგენტოს, ისე საჯარო რეესტრის ეროვნული სააგენტოს, სოციალური მომსახურების სააგენტოს, ეროვნული არქივისა და შპს „მექანიზატორის“ მომსახურება. ჩვენ ვახერხებთ მივწვდეთ  206 სოფელს და მოსახლეობისთვის სახელმწიფო სერვისები მაქსიმალურად ხელმისაწვდომი გავხადოთ. ამავე დროს, მუდმივად ვმუშაობთ ამ პროექტის გაფართოებაზე და წლის ბოლოსთვის, ლიბერთი ბანკთნ ერთად შევძლებთ სარვისების ადგილზე მიღების შესაძლებლობა  1000-მდე სოფლში უზრუნველვყოთ“, - განაცხადა სერვისების განვითრების სააგენტოს თავმჯდომარემ შიო ხეცურიანმა.

აღსანიშნავია, რომ პროექტი „ლიბერთი ბანკთან“ პარტნიორობით, მემორანდუმის ფარგლებში ხორციელდება და მიზნად საქართველოს მასშტაბით სახელმწიფო სერვისების ხელმისაწვდომობის გაზრდას ისახავს. ლიბერთი ექსპრესის მანქანების საშუალებით, სერვისების განვითრების სააგენტოს ოპერატორები მომსახურებას უწევენ ისეთ სოფლებს, სადაც საზოგადოებრივი ცენტრები არ ფუნქციონირებს, რაც სოფლად მცხოვრებ მოსახლეობას თავიდან არიდებს ამა თუ იმ დოკუმენტის მისაღებად რაიონულ ცენტრში მგზავრობის აუცილებლობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე