ცნობილი ესპანელი ტენორი, პლასიდო დომინგო COVID-19-ით გამოწვეული გართულებების გამო, თვითიზოლაციიდან საავადმყოფოში გადაიყვანეს.

ამის შესახებ ინფორმაციას CNN-ი ავრცელებს.

გამოცემის ინფორმაციით, პლასიდო დომინგო მექსიკის ქალაქ აკაპულკოს კლინიკაშია გადაყვანილი. ის მკურნალობას ექვემდებარება და თავს კარგად გრძნობს.

შეგახსენებთ, რომ 79 წლის ოპერის მომღერალს კორონავირუსი ერთი კვირის წინ დაუდგინდა, რის შესახებაც ესპანელმა ტენორმა „ფეისბუქის“ საკუთარ გვერდზე დაწერა. დომინგოს ინფორმაციით, მან მაღალი ტემპერატურის და ხველების გამო ტესტირებისთვის ექიმს მიმართა, კვლევამ კი დადებითი შედეგი აჩვენა. კორონავირუსის დადასტურების შემდეგ ის თვითიზოლაციაში იმყოფება. ოპერის მომღერალმა ყველას მოუწოდა, დაიცვან დისტანცირების წესები და პირადი ჰიგიენის ნორმები, რადგან პანდემიის დამარცხება მხოლოდ საერთო ძალისხმევითაა შესაძლებელი.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე