4 ოქტომბრის საქმეზე ბრალდებულმა ნანა სანდერმა სასამართლოში პენიტენციურ განყოფილებაში არსებულ პირობებთან დაკავშირებით განცხადება გააკეთა.

მისი თქმით, მას პენიტენციური სამსახურის ერთ-ერთმა თანამშრომელმა სიტყვიერი შეურაცხყოფა მიაყენა, რის შემდეგაც მან ძლიერი სულიერი ტკივილი განიცადა და თვითდაზიანების მიყენება სცადა.

სანდერის თქმით, პენიტენციური სამსახურის თანამშრომლის მხრიდან სავარაუდო შეურაცხყოფის ფაქტზე რეაგირებისთვის მიმართა ციხის მონიტორინგის სამსახურს. ცდილობდა სხვადასხვა სამსახურის ცხელ ხაზზე დაკავშირებას, მათ შორის სახალხო დამცველთან, თუმცა ვერ შეძლო. ერთადერთი სამსახური, რომელსაც დაუკავშირდა იუსტიციის გენერალური ინსპექციაა.

სანდერის თქმით, იუსტიციის სამინისტროდან მასთან მივიდა გამომძიებელი, მისი შეფასებით, ადეკვატურად არ ასახა მისი საჩივარი და ცდილობდა „დანაშაულის კვალის დაფარვას“

„ჩემი სიცოცხლე როგორც ფიზიკური, ისე მენტალური ჯანმრთელობა საფრთხეშია. ციხის თანამშრომელი, 3-4 საათის განმავლობაში მაყენებდა სიტყვიერ შეურაცხყოფას, რაც მაყენებდა სულიერ და მორალურ ტკივილს. მეუბნებოდა, რომ საქართველო არ არის ჩემი ქვეყანა, რომ აქ არავის ვჭირდები, ჩემი ადგილი აქ არ არის და უნდა წავიდე გერმანიაში, ამას ჩემი გერმანული გვარიდან გამომდინარე მეუბნებოდა.

ეს ადამიანი არღვევს უდანაშაულობის პრეზუმფციას, სამჯერ ვთხოვე, დამერეკე მონიტორინგის ცხელ ხაზზე-მეთქი, და არ მომცა საშუალება. ვითხოვდი უსაფრთხოების სამსახურს, არ მოჰყავდა თანამშრომლები უსაფრთხოებიდან.

შემდეგ ვიღაცამ დაუძახა და ამის შემდეგ გავედი მონიტორინგის სამსახურში, თუმცა არცერთი ცხელი ხაზი, არც სახალხო დამცველის არ ფუნქციონირებდა. გადავამოწმე ეს ინფორმაცია და დამიდასტურეს, რომ მსგავსი პრობლემები აქვთ სხვებსაც.

იუსტიციის გენერალური ინსპექციის ცხელ ხაზზე დავრეკე, ვუთხარი, რომ ჩემი სიცოცხლე და ჯანმრთელობა საფრთხეში იყო. ვთხოვე, რომ შემოსულიყო ვინმე ციხეში, მაგრამ საჯარო მოხელეს რომელმაც მიპასუხა, იმდენად არ აინტერესებდა ჩემი მდგომარეობა თავის ვინაობასაც არ მეუბნებოდა.

შემოვედი და ვთხოვე უსაფრთხოების სამსახურს, ეს კონკრეტული ციხის პერსონალი ჩემთვის მოერიდებათ. არ არსებობს ადამიანი ციხეში, ვინც ჩემს უფლებებს დაიცავს“, – ამბობს ნანა სანდერი.

მისი თქმით, მომხდარიდან რამდენიმე დღეში მასთან შევიდა იუსტიციის სამინისტროს წარმომადგენელი, თუმცა ამბობს, რომ გამომძიებელმა ოქმში სრულყოფილად არ ასახა მისი საჩივარი და ცდილობდა „დანაშაულის კვალის დაფარვას“.

სანდერის თქმით, ციხეში გაჩნდა ხანძარი, რა დროსაც დაიწვა პერსონალის ოთახი და ნივთები, ხანძრის გამო კვამლი შევიდა საკნებში, პატიმრებს ეწვოდათ თვალები და უჩიოდნენ ხველას. ის ამბობს, რომ ადმინისტრაციამ პატიმართა უსაფრთხოებისთვის საჭირო ზომები არ მიიღო, კონკრეტულად – საკნები სრულფასოვნად არ განიავებულა საკნები.

„ციხეში მოხდა ხანძარი, ე.წ. კუნძულზე, სადაც მე ვიმყოფებოდი, დაიწვა პერსონალის ოთახი და ა.შ. ციხის დირექტორი, რომელიც იხრჩობოდა, ვეუბნებოდი, რომ გთხოვთ ორპირი გავაკეთოთ-მეთქი, ჩვენთან ორმაგად და სამმაგად შემოვიდა კვამლი უსაფრთხოების წესები არ იყო დაცული. კონკრეტულად ერთ პატიმარს თვალები ეწვოდა, მე ყელიდან დაწყებული ყველაფერი მეწვოდა. ვთხოვდი, სარკმელი გამიხსენით-მეთქი. წარმოიდგინეთ, რა კვამლი შემოვიდა.

ნახევარი საათის განმავლობაში ვითხოვდი ჟანგბადს. შეიძლება დაარღვიო უსაფრთხოების წესები, მაგრამ ადამიანურობის ნორმებს შეიძლება გადახვიდე? 2 კვირის განმავლობაში ვითხოვდი კვამლის დეტექტორს, რომელიც 30 ლარი ღირს, ეს უნდა იყოს ყველგან, სადაც საძინებელი სივრცეა. უსაფრთხოების სამსახურმა კვამლის დეტექტორის მოთხოვნის გამო სიტყვიერი შეურაცხყოფა მომაყენა და სარკმელზე ამირტყა ხელი და 4 თითი დაზიანებული მქონდა“, – განაცხადა ნანა სანდერმა.

ნანა სანდერმა თქვა, რომ ითხოვს ჩანაწერების ამოღებას კონკრეტულ თარიღებში და მოკვლევის დაწყებას. მოსამართლე თამარ მჭედლიშვილმა განაცხადა, რომ აღნიშნულთან დაკავშირებით დღევანდელი პროცესის ოქმს პროკურატურაში რეაგირებისთვის გადააგზავნის.

ავტორი: ექსპრესნიუსი,

სოციალური ქსელები

მოსკოვმა 9 მაისს კიევზე თავდასხმით დაიმუქრა და სხვა ქვეყნებს საელჩოების ევაკუაციისკენ მოუწოდა

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს