ყოფილი რუსი მოსამართლე ელენა ხახალევა, რომელმაც ცნობადობა მდიდრული ქორწილის სკანდალის შემდეგ მოიპოვა და შემდგომში მეტსახელად „ოქროს მოსამართლე“ შეარქვეს, ამჟამად თბილისში ცხოვრობს, განაცხადა მისმა ადვოკატმა, იაროსლავ კრასნოშჩოკოვმა.

მან განაცხადა, რომ საგამოძიებო ორგანოებისთვის ცნობილია ყოფილი მოსამართლის ადგილსამყოფელი, რომელიც საერთაშორისო ძებნილ სიაშია.

რუსეთის გენერალურმა პროკურატურამ სარჩელი შეიტანა ხახალევას და მისი ნათესავების აქტივების სახელმწიფო სარგებლის მიზნით ჩამორთმევის მოთხოვნით. უწყების ცნობით, ოჯახმა უკანონოდ შეიძინა მიწის დიდი ნაკვეთები, რომელთაგან ერთის ღირებულება 20 მილიარდ რუბლს შეადგენს.

პროკურატურა მოითხოვს ხახალევას სახლის კრასნოდართან ახლოს, მისი დის ბინის და დედის სახლისა და მიწის ნაკვეთის კონფისკაციას კურორტულ სოფელ ოლგინკაში. გარდა ამისა, შესაძლოა, ჩამოერთვას ყოფილი მოსამართლის ქმრის, რობერტ ხახალევას აქტივები - უძრავი ქონება და მიწა ყუბანში. ქონების ნაწილი, სავარაუდოდ, საზღვარგარეთ იქნა გადატანილი.

სარჩელის ფარგლებში, სასამართლომ უკვე დააყადაღა ოჯახის და მასთან დაკავშირებული პირების აქტივები. შემზღუდავი ზომები 15 კომპანიას შეეხო, მათ შორის სასოფლო-სამეურნეო ფირმებსა და ლაზარევსკოეს სანატორიუმს.

აღსანიშნავია, რომ ელენა ხახალევა 2021 წელს თაღლითობაში დაადანაშაულეს, რის შემდეგაც მან რუსეთი დატოვა. ამასობაში, მისი და, ნატალია ხახალევა, კრასნოდარის მხარის საარბიტრაჟო სასამართლოში მოსამართლედ აგრძელებს მუშაობას. გავრცელებული ინფორმაციით, ისინი ასევე სარგებლობდნენ რუსეთის მოსამართლეთა საბჭოს ყოფილი ხელმძღვანელის, ვიქტორ მომოტოვის მფარველობით.

ავტორი: ექსპრესნიუსი,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს