საქართველო ევროკავშირის გაფართოების მინისტერიალზე არ მიიწვიეს. „ფორმულას“ კვიპროსის თავმჯდომარეობის პრესსამსახურიდან აცნობეს, რომ საუბარია ნიქოზიაში 10-11 მაისს დაგეგმილ ევროპულ საქმეთა მინისტრების არაფორმალურ შეხვედრაზე. მიუხედავად იმისა, რომ მინისტერიალს ევროკავშირის წევრობის კანდიდატი და პოტენციური ქვეყნების წარმომადგენლები ესწრებიან, „ოცნების“ საგარეო საქმეთა მინისტრი სტუმრების სიაში ვერ მოხვდა.

საქართველოს მთავრობის კურსის გამო, რომელიც ევროკავშირის ფუძემდებლურ ღირებულებებს ეწინააღმდეგება, ქვეყნის გაწევრიანების პროცესი 2024 წელს დე ფაქტო შეჩერდა. შესაბამისად, წინა პრაქტიკის გათვალისწინებით, საქართველო არ მიიწვიეს. განცხადებაში ვკითხულობთ, რომ ევროკავშირი მზადაა, მხარი დაუჭიროს ქართველი ხალხის ევროპულ მისწრაფებებს, თუ ხელისუფლება ამჟამინდელ კურსს შეცვლის. ამჟამად ევროკავშირის საბჭოს თავმჯდომარე ქვეყანა კვიპროსია.

„საქართველოს მთავრობის მოქმედების კურსის გათვალისწინებით, რომელიც ეწინააღმდეგება ევროკავშირის ფუძემდებლურ ღირებულებებსა და პრინციპებს, საქართველოს გაწევრიანების პროცესი 2024 წელს დე ფაქტო შეჩერდა. შესაბამისად, წინა თავმჯდომარეობების პრაქტიკის შესაბამისად, საქართველო არ ყოფილა მიწვეული.

ამავდროულად, გვსურს შეგახსენოთ, რომ ევროკავშირმა მკაფიოდ ხაზგასმით აღნიშნა კავშირის მზადყოფნა, მხარი დაუჭიროს ქართველი ხალხის ევროპულ მისწრაფებებსა და ქვეყნის გზას გაწევრიანებისკენ, იმ შემთხვევაში, თუ საქართველოს ხელისუფლება შეცვლის თავის ამჟამინდელ კურსს“ — მისწერეს ფორმულას კვიპროსის თავმჯდომარეობის პრესსამსახურიდან

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა