Telegram-ის დამფუძნებელმა პაველ დუროვმა რუსეთში მის წინააღმდეგ „ტერორისტული საქმიანობის ხელშეწყობის“ ბრალდებით აღძრული სისხლის სამართლის საქმე ქვეყანაში სიტყვის თავისუფლების შეზღუდვის მცდელობას დაუკავშირა. მან შესაბამისი კომენტარი თავის Telegram არხზე გამოაქვეყნა.

„რუსეთმა ჩემს წინააღმდეგ სისხლის სამართლის საქმე „ტერორიზმის ხელშეწყობის“ ბრალდებით აღძრა. ყოველდღე, ხელისუფლება ახალ საბაბს პოულობს რუსებისთვის Telegram-ზე წვდომის შეზღუდვის მიზნით, რადგან ისინი ცდილობენ პირადი ცხოვრებისა და სიტყვის თავისუფლების უფლების ჩახშობას. ეს სამწუხარო სანახაობაა - სახელმწიფო, რომელსაც საკუთარი ხალხის ეშინია“, - წერს დუროვი.

24 თებერვალს, პროპაგანდისტულმა გამოცემებმა „როსიისკაია გაზეტამ“ (RG) და „კომსომოლსკაია პრავდამ“ (KP), FSB-ის მასალებზე დაყრდნობით, გაავრცელეს ინფორმაცია, რომ რუსეთის სამართალდამცავი ორგანოები Telegram-ის დამფუძნებლის ქმედებებს „ტერორისტული საქმიანობის ხელშეწყობის“ მუხლით იძიებენ (რუსეთის სისხლის სამართლის კოდექსის 205.1 მუხლის 1.1 ნაწილი). გამოცემები აცხადებენ, რომ ომის კონტექსტში, მესენჯერი „ნატოს ქვეყნების სადაზვერვო სამსახურებისა და კიევის რეჟიმის მთავარ ინსტრუმენტად იქცა“. გარდა ამისა, როგორც KP აღნიშნავს, Telegram-მა არ შეასრულა როსკომნადზორის მოთხოვნა 154 000-ზე მეტი არხისა და ბოტის წაშლის შესახებ, რომლებიც „ექსტრემიზმისკენ მოწოდებებსა და ცრუ ინფორმაციას“ ავრცელებდნენ.

ავტორი: ექსპრესნიუსი,

სოციალური ქსელები

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში