ოპოზიციური ალიანსი 4 ოქტომბრის მოვლენების ფარგლებში 10 პირისადმი გამოტანილ განაჩენს გამოეხმაურა.

მათი შეფასებით, ეს განაჩენი არის არა მართლმსაჯულების აქტი, არამედ რეჟიმის მიერ გაფორმებული პოლიტიკური ანგარიშსწორება. მათი აზრით, ყველა დაკავებული პირი არის პოლიტიკური პატიმარი.

ალიანსი მოუწოდებს საზოგადოებას, რომ 26 მაისს, 19 საათზე, შეუერთდნენ აქციას რუსთაველის გამზირზე.

"4 ოქტომბერს დაკავებულების მიმართ დღეს გამოტანილი განაჩენი არ არის მართლმსაჯულების აქტი. ეს არის რეჟიმის მიერ გაფორმებული პოლიტიკური ანგარიშსწორება, რომელსაც სამართალთან საერთო არაფერი აქვს.

ყველა დაკავებული პირი არის პოლიტიკური პატიმარი და დღევანდელი გადაწყვეტილება მხოლოდ რეჟიმის პასუხისმგებლობას ამძიმებს.

ამ უკანონობასთან ბრძოლის ჩვენი მთავარი გზა მშვიდობიანი პროტესტია!

სწორედ ამიტომ, 26 მაისს, დამოუკიდებლობის დღეს, ვიკრიბებით რუსთაველის გამზირზე.

ეს არის ბრძოლა ჩვენი მოქალაქეების თავისუფლებისთვის.

გელოდებით ყველას 26 მაისს, 19:00 საათზე." - ნათქვამია ოპოზიციური ალიანსის განცხადებაში.

ცნობისთვის, დღევანდელ პროცესზე სასამართლომ 4 ოქტომბრის მოვლენების ფარგლებში დაკავებული ათივე პირი დამნაშავედ ცნო და სასჯელის სახით განუსაზღვრა:

მურთაზ ზოდელავას, პაატა ბურჭულაძეს, ირაკლი ნადირაძეს - 7 წელი; ბრალად ედებოდათ: სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობა, ჩადენილს ჯგუფურად, ჯგუფური ძალადობის ორგანიზება და ხელმძღვანელობა, მოწოდება საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ.

ირაკლი შაიშმელაშვილს [დაუსწრებლად] - 2 წელი, ბრალად ედებოდა: საქვეყნოდ მოწოდებას საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ.

ლაშა ბერიძეს - 7 წელი, ბრალად ედებოდა: სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობა, ჩადენილი ჯგუფურად, ჯგუფური ძალადობის ორგანიზება და ხელმძღვანელობა.

ირაკლი ჩხვირკიას, ნიკა გვენცაძეს, თორნიკე მჭედლიშვილს - 5 წელი, ბრალად ედებოდათ: სტრატეგიული და განსაკუთრებული მნიშვნელობის ობიექტების ხელში ჩაგდება და ბლოკირების მცდელობა, ჩადენილი ჯგუფურად. ჯგუფური ძალადობის ორგანიზება და ხელმძღვანელობა.

გური ჟვანიას - 5 წელი, ბრალად ედებოდა: ჯგუფურ ძალადობაში მონაწილეობა.

პაატა მანჯგალაძეს - 7 წელი, ბრალად ედებოდა: ჯგუფური ძალადობის ორგანიზება.

ავტორი: ექსპრესნიუსი,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს