რუსეთის საოკუპაციო ძალებმა ოდესაზე ღამით მეორე თავდასხმა განახორციელეს. დარტყმა სამშობიაროში დაფიქსირდა, მრავალსართულიანი შენობა ნაწილობრივ განადგურდა, ხანძარი გაჩნდა და არიან დაშავებულები.

ამის შესახებ, ოდესის სპეციალური ოპერაციების მეთაურმა სერგეი ლისაკმა სოციალურ მედიაში გამოაქვეყნა პოსტი.

 „მტერმა კვლავ დაარტყა ქალაქის სამოქალაქო ინფრასტრუქტურას. დარტყმა პრიმორსკის რაიონში სამშობიარო სახლის სახურავზე დაფიქსირდა. საბედნიეროდ, პერსონალმა და პაციენტებმა თავშესაფარი მოახერხეს.“ - ამბობს ლისაკი.

 რუსული დარტყმების შედეგად მრავალსართულიანი შენობის მეოთხე და მეხუთე სართულებს შორის ნაწილობრივი დაზიანება დაფიქსირდა. გარდა ამისა, აფეთქების ტალღამ რაიონის მასშტაბით შენობებში ფანჯრები დააზიანა. ხანძარი საცხოვრებელ შენობებშიც გაჩნდა.

სერგეი ლისაკმა მოგვიანებით დასძინა, რომ თავდასხმის შედეგად შვიდი ადამიანი დაშავდა. ორი მათგანი მძიმე მდგომარეობაშია. დაშავებულებს შორის ერთი ბავშვია.

დილის 7:00 საათის მონაცემებით, საავადმყოფოში მიღებული დაზიანებების შედეგად ერთი ადამიანი გარდაიცვალა.

"სულ 11 ადამიანი დაშავდა, მათ შორის ერთი ბავშვი, - დასძინა სერგეი ლისაკმა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა