„ქართული ოცნების“ პრემიერ-მინისტრი, ირაკლი კობახიძე თურქმენეთში გაემგზავრა. ინფორმაციას კობახიძის ადმინისტრაცია ავრცელებს. 

მათივე ცნობით, ირაკლი კობახიძე მონაწილეობას მიიღებს მშვიდობისა და ნდობის საერთაშორისო წლისადმი მიძღვნილ საერთაშორისო ფორუმში, რომელიც თურქმენეთის მუდმივი ნეიტრალიტეტის 30 წლის იუბილესთან დაკავშირებით იმართება. 

„ირაკლი კობახიძე სიტყვით გამოვა პლენარულ სესიაზე - „მშვიდობა და ნდობა: მიზნების ერთობლიობა მდგრადი მომავლისთვის“. ვიზიტის ფარგლებში დაგეგმილია საქართველოს პრემიერ-მინისტრის ორმხრივი შეხვედრები“, - ნათქვამია ინფორმაციაში. 

ირაკლი კობახიძე თურქმენეთში დელეგაციასთან ერთად გაემგზავრა, რომლის შემადგენლობაში „ოცნების“ საგარეო საქმეთა მინისტრი მაკა ბოჭორიშვილი და „ოცნების“ მთავრობის ადმინისტრაციის უფროსი ლევან ჟორჟოლიანი არიან.

ავტორი: ექსპრესნიუსი,

სოციალური ქსელები

ახალი წლის ღამეს საზოგადოებრივი ტრანსპორტი გახანგრძლივებულ რეჟიმში იმუშავებს

ფაშისტური დაჯგუფების წევრებს რომლებმაც არასრულწლოვანი აწამეს - 10, 7 და 6 წელი მიესაჯათ

ევროკავშირის რომელ ქვეყნებში მოგზაურობენ ევროპელები ყველაზე ხშირად?

57 საუკეთესო ახალი წლის მილოცვა მესენჯერებისთვის