შიმშილობის მე-18 დღე ძალიან საგანგაშოა. გადაადგილების პრობლემა გარდაუვალია. ჩემ სანახავად რომ მოდიოდნენ, ძალას ვიკრებდი ჯდომისთვის და მერე საათები ტაქიკარდიას, ამოვარდნებს ვებრძოდი - ამის შესახებ წერს კოალიცია ცვლილებისთვის ერთ-ერთი ლიდერი, ელენე ხოშტარია სოციალურ ქსელში. 

,,ექიმმა გამაფთხილა, რომ თირკმელი შეიძლება გაჩერდეს და ვარკვევდი დიალიზით ცხოვრების სცენარებს.

კოორდინაცია ირღვევა.

პერიოდული დერეალიზაცია.

ღებინება.

აღქმის შენელება.

ეს მხოლოდ ნაწილია და არასამედიცინო შეგრძნებების დონეზე ახსნილი უბრალოდ.

მე უამრავი მეგობარი და ექიმი მყავდა გარშემო. ასევე ტელევიზიით ვჩანდი.

მზია არის შეურაცხყოფილი, ჩაკეტილი და სამედიცინო შეფასების გარეშე.

ჩემთვის რომ გეკითხათ, მხნედ ვიყავი მეც, მართლა ასე ვგრძნობდი თავს.

მოეშვით მარჩიელობას, სასწრაფოდ გამოუშვით!

ბოდიშს ვიხდი, ჩემი ჯანმრთელობის დეტალებზე საუბრისთვის, მაგრამ რადგან ხილული არაა მზიას შიმშილობა, ვალდებულად ვთვლი თავს, გაგიზიაროთ. სრული პასუხისმგებლობით ვამბობ, ძალიან საშიში ზღვარია ეს დღეები უკვე" - წერს ხოშტარია.

ბათუმელებისა და ნეტგაზეთის დამფუძნებელი, ჟურნალისტი მზია ამაღლობელი საპატიმროში მე-18 დღეა შიმშილობს. 

ავტორი: ექსპრესნიუსი,

სოციალური ქსელები

ტრამპმა განაცხადა, რომ რუსეთის ეკონომიკა მძიმე მდგომარეობაშია და პუტინთან საუბარი დაანონსა

Axios: რუსეთი დათანხმდა ცეცხლის შეწყვეტას უკრაინაში დონბასის რეფერენდუმის დროს

შეერთებულმა შტატებმა რუსეთთან საჰაერო მიმოსვლის აღდგენაზე უარი თქვა

BOG-ის და Finance in Motion-ის ინიციატივით, ბიზნესების მდგრადი განვითარების მხარდასაჭერად "მწვანე დაფინანსების რალი" გაიმართა