MILITARNYI-ის ინფორმაციით, როგორც ირკვევა, დღეს თბილისის საერთაშორისო აეროპორტში დაეშვა უკრაინის საჰაერო ძალების AN-124  Ruslan-ის ტიპის მძიმე-სატრანსპორტო თვითმფრინავი, რომელმაც ჩვენი საჰაერო ძალებისთვის ისრაელიდან ჩამოიტანა SPYDER-ის ჰაერსაწინააემდეგო თავდაცვის  სისტემის 3 გამშვები დანადგარი, უცნობია საზენიტო რაკეტებიც “გადმოიტანეს”, თუ არა…. 

სამხედრო ანალიტიკური გამოცემის "ალფა სიხშირის" ინფორმაციით, საქართველოს 2020 წლის 11 სექტემბრის კონტრაქტი Rafael Advanced Defense Systems-თან მხოლოდ არსებული SPYDER-ის  სისტემის ექსპლუატაციას, გარემონტებას  და პერსონალის გადამზადებას ეხებოდა, რომელიც საქართველომ 2008 წელს შეიძინა. ახალი სისტემების შეძენაზე ლაპარაკი არ ყოფილა  – ეს იყო $12 მილიონი დოლარის ღირებულების მხარდაჭერის პაკეტი, რომელიც რუსეთთან კონფლიქტის შემდეგ სისტემის მდგომარეობის აღდგენას ემსახურებოდა. 2020 წლის შემდეგ არც ერთი ახალი შეძენის შესახებ  ოფიციალური თბილისისგან საჯაროდ არაფერია ცნობილია.

საქართველოს 2008 წლიდან შეიარაღებაში   აქვს SPYDER-Sr-ის საჰაერო  თავდაცვის სისტემა, რომელიც  15 კმ-ზე მფრენ PYTHON-4-ის ტიპის სითბურთავაკიან ჰაერსაწინააღმდეგო რაკეტებს იყენებდა- სწორედ მის ანგარიშზეა რამდენიმე ჩამოგდებული რუსული მოიერიშე/ბომბდამშენი 2008 წლის აგვისტოს ომში…  

 ფოტოზე ნაჩვენებია მომენტი, როდესაც SPYDER-ის  ჰაერსაწინააღმდეგო სისტემების  გამშვებ დანადგარებს  უკრაინული თვითმფრინავის ბირტზე დასატვირთად ამზადებენ- ბენ-გურიონის აეროპორტში.

ავტორი: ექსპრესნიუსი,

სოციალური ქსელები

სარატოვში, „როსნეფტის“ ნავთობგადამამუშავებელ ქარხანაზე თავდასხმის დროს, დრონი საცხოვრებელ შენობას შეეჯახა, ორი ადამიანი დაიღუპა.

ბრიტანეთის მეფე აცხადებს, რომ მისი კიბოს მკურნალობა შესაძლოა შეწყდეს

საპატრულო პოლიციამ აჭარაში განსაკუთრებით დიდი ოდენობით ნარკოტიკული და ფსიქოტროპული ნივთიერებები ამოიღო - დაკავებულია 3 პირი

მიგრაციის დეპარტამენტის თანამშრომლებმა, მიგრანტების გამოვლენის მიზნით რეიდები ჩაატარეს, დააკავეს 28 პირი