ბაზისბანკის ოფიციალური მხარდაჭერით, 25-დან 28 სექტემბრის ჩათვლით, სანდრო ახმეტელის სახელობის თეატრი უმასპინძლებს საერთაშორისო კამერული და მონოსპექტაკლების ფესტივალს – „თბილისური ბროწეულები“.

ფესტივალი ეძღვნება რეჟისორ სერგო ფარაჯანოვის შემოქმედებით მემკვიდრეობას და გაიხსნება ახმეტელის თეატრის სპექტაკლით „აღსარება - მე, სერგო ფარაჯანოვი“, რომელიც ასახავს ფარაჯანოვის შთამბეჭდავ და მრავალმხრივ შემოქმედებით გზას.

თბილისური ბროწეულები წელს განსაკუთრებით გამორჩეულია ჟანრობრივი მრავალფეროვნებითა და საერთაშორისო მასშტაბით. ოთხდღიანი პროგრამა მოიცავს როგორც მონოლოგურ წარმოდგენებსა და კამერულ დადგმებს, ასევე ქორეოგრაფიულ სპექტაკლებს. მაყურებელს  შესაძლებლობა ექნება გაეცნოს მსოფლიო თეატრალურ სივრცეში აღიარებული რეჟისორებისა და არტისტების ნამუშევრებს.

ფესტივალი წელს 7 ქვეყნის წარმომადგენლებს უმასპინძლებს ლიეტუვადან, ამერიკიდან, ისრაელიდან, რუმინეთიდან, გერმანიიდან, ესპანეთიდან და საქართველოდან. ფესტივალის ფარგლებში თბილისს ესტუმრებიან ისეთი მნიშვნელოვანი სახელოვნებო ფიგურები, როგორებიც არიან ლიეტუველი რეჟისორი – ოსკარას კორშუნოვასი და გერმანელი ქორეოგრაფი რაინერ ბერი, პინა ბაუშის თეატრის მოცეკვავე და თანამედროვე ცეკვის ერთ-ერთი გამორჩეული ხმა, რომელიც ფესტივალზე წარსდგება რეჟისორისა და შემსრულებლის ამპლუაში, რაც პროგრამას განსაკუთრებულ მნიშვნელობასა და ემოციურ მუხტს სძენს.

„თბილისური ბროწეულები“ თეატრალური ხელოვნების მოყვარულებს უნიკალურ შესაძლებლობას სთავაზობს ეზიარონ საერთაშორისო სცენის საუკეთესო ნამუშევრებს.

ფესტივალის პროგრამის და ბილეთების შესახებ ინფორმაციას გაენობით აქ

ავტორი: R (რეკლამა),

სოციალური ქსელები

უკრაინამ კასპიის ზღვაში მდებარე „ლუკოილის“ ნავთობპლატფორმებზე ბოლო ორი დღის განმავლობაში მეორე დარტყმა გამოაცხადა.

სარატოვში, „როსნეფტის“ ნავთობგადამამუშავებელ ქარხანაზე თავდასხმის დროს, დრონი საცხოვრებელ შენობას შეეჯახა, ორი ადამიანი დაიღუპა.

ბრიტანეთის მეფე აცხადებს, რომ მისი კიბოს მკურნალობა შესაძლოა შეწყდეს

საპატრულო პოლიციამ აჭარაში განსაკუთრებით დიდი ოდენობით ნარკოტიკული და ფსიქოტროპული ნივთიერებები ამოიღო - დაკავებულია 3 პირი