გერმანია კანცლერს აირჩევს - კანდიდატები, შანსები და პოლიტიკური გზავნილები

2021-09-26 11:47:59, 1623 ნახვა

გერმანიაში ბოლო წინასაარჩევნო დებატები დასრულდა: კენჭამდე სამი დღით ადრე შვიდი უმსხვილესი პარტიის წარმომადგენელი ტელევიზიის ეთერში შეხვდა ერთმანეთს, მათ შორის ფედერალური კანცლერის პოსტზე სამი ძირითადი კანდიდატი. ტელედებატების დღის წესრიგი აგებული იყო საგარეო პოლიტიკისა და უსაფრთხოების საკითხების ირგვლივ.

ოლაფ შოლცი, კანდიდატი სოციალ -დემოკრატიული პარტიიდან, ამბობს, რომ მისი მთავარი საგარეო კურსი აგებული იქნება ევროკავშირის გაძლიერებაზე.
”მე არასოდეს დავიღალე გამეორებით: დიახ, ზოგიერთი პრინციპი ჩვენთვის ძალიან მნიშვნელოვანია, მაგალითად, ძლიერი ევროკავშირი, ამის გარეშე ჩვენ ვერ შევძლებთ შესამჩნევი როლის თამაშს. ჩვენი სტრატეგია, რა თქმა უნდა, მოიცავს შეერთებულ შტატებთან თანამშრომლობას, განსაკუთრებით დღეს, როდესაც კონტექსტი გადამწყვეტი ხდება და ნატო -სთან პარტნიორობა. " - აცხადებს შოლცი.
არმინ ლაშეტმა, CDU– ს ლიდერმა და კანცლერობის პოსტზე კონსერვატიულმა კანდიდატმა, ანგელა მერკელის პირობითმა მემკვიდრემ ევროპულ პოლიტიკას უფრო მეტი დრო დაუთმო:
„ჩვენ გვჭირდება უფრო საერთო ევროპული კომპონენტი, დროა ვისაუბროთ, საბოლოოდ, ერთი ხმით. ჩვენ უნდა დავიწყოთ ერთობლივი პროექტები, მათ შორის თავდაცვის ძალები, რომელიც საჭოროების შემთხვევაში მზად იქნებიან იმოქმედონ" - ამბობს მერკელის პოლიტიკური მემკვიდრე.
ანალენა ბაერბოკი არჩევნებზე მწვანეებისპარტიას წარმოადგენს, კანდიდატმა განაცხადა, რომ ევროკავშირში ჩინეთის დომინანტური როლის დასუსტება სურს.
”მე მსურს, რომ ჩვენ შევძლოთ საერთო ევროპული პოლიტიკის შემუშავება ჩინეთის მიმართ, საბოლოოდ, კი ახალი გვერდი ევროპული საგარეო პოლიტიკისა და ადამიანის უფლებების სფეროში ”. - ამბობს მწვანეების ლიდერი.
კანცლერმა ანგელა მერკელიმა, რომელიც ტოვებს პოლიტიკას, მხარი დაუჭირა არმინ ლაშეტის კანდიდატურას მთავრობის მეთაურის პოსტზე.
"უთხარით ამომრჩევლებს, რომ ეს ეხება მათ მომავალს, მათი შვილებისა და მშობლების მომავალს. და მხოლოდ ოთხ წელიწადში ერთხელ გაქვთ შესაძლებლობა გადაწყვიტოთ ფედერალურ დონეზე, ვინ შექმნის ამ მომავალს თქვენთვის ბერლინში. ამიტომაც ვამბობ : მიეცით ხმა CDU- ს, მიეცით ხმა არმინ ლაშკეტს გახდეს გერმანიის კანცლერი." - განაცხადა მოქმედმა კანცლერმა, არმინ ლანშეტის მშობლიურ ქალაქში ვიზიტისას.
გერმანიაში საარჩევნო კამპანიის დროს, გამოკითხვების თანახმად, სამი პოლიტიკური ძალა ლიდერობდა.

ქრისტიან -დემოკრატებმა, ანგელა მერკელის მემკვიდრე არმინ ლაშეტის ხელმძღვანელობით, ყურადღება გაამახვილეს ეკონომიკურ და კლიმატურ დაპირებებზე. ისინი აცხადებენ, რომ აპირებენ პარიზის შეთანხმების მიზნების მიღწევას "საბაზრო ეკონომიკის ეფექტური ინსტრუმენტების" დახმარებით.

სოციალ -დემოკრატები არჩევნებზე მიდიან ფინანსთა მინისტრის ოლაფ შოლცის ხელმძღვანელობით. ის ამომრჩეველს პირდება: სტაბილურ მინიმალურ პენსიას და მინიმალურ ხელფასს 12 ევროს საათში, საჭიროდ მიიჩნევს მიგრაციის შეზღუდვას. ცდილობს დაუბრუნდეს ევროკავშირის დამფუძნებელ დოკუმენტებში ასახულ საბიუჯეტო წესებს.

"მწვანეების" ლიდერისთვის ანალენა ბერბოკისთვის ინტერნეტის ხელმისაწვდომობა და ცხოვრების დიგიტალიზაცია უმნიშვნელოვანესია; ეს კონცეფციები მჭიდროდ არის დაკავშირებული "ეკოლოგების" მიერ დემოკრატიულ უფლებებთან და თავისუფლებებთან. ისინი მზად არიან განავითარონ შესაბამისი ინფრასტრუქტურა თუნდაც დავალიანებით, ვინაიდან დარწმუნებულნი არიან, რომ ასეთი ინვესტიციები მალე ანაზღაურდება. ბერბოკი მოუწოდებს ნახშირის ეკონომიკის დემონტაჟის დაჩქარებას და მდგრადი მანქანების განვითარების სტიმულირებას.

არჩევნების წინ ქვეყნის კანცლერის, ანგელა მერკელის გამოსახულებით, სუფთა ოქროსგან დამზადებული ძვირფასი ლიმიტირებული საკოლექციო მონეტა გამოუშვეს. სუვენირის ღირებულება 49.95 ევროს შეადგენს. ამის შესახებ ინფორმაცია საკოლექციო სახლის ვებგვერდზეა განთავსებული.

მონეტა 999 სინჯის ოქროსგან არის დამზადებული, რომელიც 0.58 გრამს იწონის და მისი ზომა 12,5 მილიმეტრია. მასზე მითითებული 2005 წელი - თარიღი, როდესაც მერკელმა კანცლერის თანამდებობა დაიკავა. მონეტების ხუთი ათასი ეკზემპლარია გამოშვებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან