პაატა იმნაძე - თუ 1000 ექიმიდან 990 დაიცავს პროტოკოლს, ეს ნიშნავს, რომ 90 პროცენტით დაზღვეულები ვართ

2020-04-01 13:59:52, 544 ნახვა

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე აცხადებს, რომ პროტოკოლი დაწერილია იმისათვის, რათა ყველა ექიმმა ერთნაირად შეხედოს საქმეს.

მისივე თქმით, იმ შემთხვევაში თუ პროტოკოლს 1000 ექიმიდან 990 დაიცავს, მაშასადამე 90 პროცენტით დაზღვეულები ვართ და სისტემა კარგად მუშაობს.

„პროტოკოლები საქმე რაშია იცით, არსებობს მცნება, არის ფაქტებზე და მტკიცებულებებზე დამყარებული მედიცინა, ამ მედიცინის საფუძველზე იწერება შემდეგ გაიდლაინები, პროტოკოლები. პროტოკოლი იწერება იმისათვის, რომ ბანჯაში და ზემო მაჩხაანში მყოფმა ექიმმა, ერთნაირად შეხედოს ერთნაირ საქმეს. სისტემა თუ არ არის, ისე არაფერი არ გამოვა, 1000 ექიმიდან, როდესაც 990 დაიცავს პროტოკოლს, ეს იმას ნიშნავს, რომ ჩვენ დაზღვეულები ვართ. როცა ყველა თავის ჭკუაზე აკეთებს რაღაცას, ეს ნიშნავს, რომ სისტემა არ მუშაობს, ეს არის ანა-ბანა ვინც ერკვევა რას ნიშანვს პროტოკოლები, ეპიდემიოლოგია და ა.შ. რათქმა უნდა ის არ შეიძლება იყოს 100%-იანი, მედიცინასთან გვაქვს საქმე, ეს არ არის მათემატიკა“, - განაცხადა იმნაძემ.

ავტორი: თეონა დორეული, ექსპრესნიუსის რეპორტიორი 2018 წლიდან