2024-05-02 00:33:03, 377 ნახვა
საზოგადოება
ახალგაზრდა, რომელსაც თვალი დაუზიანდა „ნიუ ჰოსპიტალსშია“, კლინიკაში მისი მამაც მივიდა
24 წლის ბიჭს, რომელსაც რუსთაველის გამზირზე, სავარაუდოდ, რეზინის ტყვია თვალში მოხვდა, სამედიცინო დახმარება "ნიუ ჰოსპიტალსში" უტარდება.
ცოტა ხნის წინ კლინიკაში დაშავებულის მამა, კახა დემურიშვილი მივიდა. მისი თქმით, შვილის დაშავების შესახებ, "ფეისბუქიდან" შეიტყო და კლინიკისკენ გაემართა.
"თვალი გადარჩენილია, რაც მთავარია, რეზინის ტყვია, წარბის არეში აქვს მოხვედრილი. წარბის ტერიტორია მთლიანად გახეთქილი აქვს. როგორც მითხრეს, თვალი გადარჩენილია. იმედია, ამ ყველაფერი მხედველობაზე ზეგავლენა არ ექნება თვალზე",- ამბობს დაშავებულის მამა.
ავტორი: ექსპრესნიუსი,