„ვახტანგ გომელაურს აქვს უნარჩვევები, რომ ამ მნიშვნელოვან პოზიციას და პასუხისმგებლობას თავი გაართვას“, – ასე აფასებს ახლად დანიშნულ შს მინისტრს ვახტანგ გომელაურს  პარლამენტის ადამიანის უფლებათა დაცვის კომიტეტის თავჯდომარე ეკა ბესელია.
ბესელია დარწმუნებულია,  რომ შს სამინისტრო, რომლის მთავარი რეფორმა იყო ამ უწყების დეპოლიტიზირება, იგივე კურს გააგრძელებს.
 „მას აქვს ძალიან კარგი, პროფესიული და პიროვნული თვისებები, საქმიანი უნარჩვევები იმისთვის, რომ ამ მნიშვნელოვან პოზიციას და პასუხისმგებლობას  თავი გაართვას. შსს–ს ხელმძღვანელობა არის ძალიან რთული და საპასუხისმგებლო პოზიცია. გამოცდილება, მენეჯერული თვისებები, მართვის უნარი, კოორდინირებული და ორგანიზებული მართვა ამ უწყებისთვის მნიშვნელოვანია. გომელაურს ეს თვისებები აქვს,ამიტომ დარწმუნებული ვარ, შსს–ში, რომლის მთავარი რეფორმა ამ უწყების დეპოლიტიზირება იყო და  რომელიც ირაკლი ღარიბაშვილმა დაიწყო, ეს ხაზი შენარჩუნებული იქნება“, – აღნიშნა ეკა ბესელიამ.
ცნობისთვის, ვახტანგ გომელაური  შს მინისტრად პრემიერ–მინისტრმა ირაკლი ღარიბაშვილმა დღეს წარადგინა. გომელაურმა ალექსანდრე ჭიკაიძე ჩაანაცვლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის სტიპენდია ახალგაზრდებისთვის ფოთის საჭადრაკო კლუბში – შესაძლებლობა მომავალი ჩემპიონებისთვის

ადვოკატი: ჯუანშერ ბურჭულაძემ ღარიბაშვილის წინააღმდეგ ჩვენება არ მისცა

შესაძლებლობა მოსწავლეებისთვის - საქართველოს ბანკის და კომაროვის STEM სკოლაში მიღება დაიწყო

ირაკლი ღარიბაშვილი დღეს არის პოლიტიკური პატიმარი - ნათია თამაზაშვილი